لاہور فضائی آلودگی کی فہرست میں ابھی تک دوسرے نمبر پر ہے

لاہور (جنرل رپورٹر) لاہور اب بھی فضائی آلودگی کی فہرست میں دوسرے نمبر پر ہے، سموگ کے باعث شہر کے تمام سکولزسے دو روز کیلئے بند کر دئیے گئے۔راتگئے بارش سے پنجاب میں سموگ کی شدت میں معمولی کمی ہوئی تاہم افق پر سموگ اب بھی برقرار ہے، لاہور کا اوسطا ائیر کوالٹی انڈیکس 300ریکارڈ کیا گیا، گلبرگ کا علاقہ 434اے کیو آئی کے ساتھ آلودگی میں سرفہرست، ائیر پورٹ سے ملحقہ علاقوں کا اے کیو آئی 426، اپر مال کے علاقہ کا ائیر کوالٹی انڈیکس 314 ریکارڈ کیا گیا۔پنجاب اسمبلی اور چیئرنگ کراس کا اے کیو آئی 411، سندر انڈسٹریل سٹیٹ 349 اور اقبال ٹاﺅن 347اور واہگہ کے سرحدی علاقوں میں ائیر کوالٹی انڈیکس 361ریکارڈ کیا گیا۔ محکمہ موسمیات کی بارش کی پیشگوئی کسی حد تک درست تو ثابت ہوئی لیکن شہریوں کو بدستور سموگ کے باعث مشکلات کا سامنا ہے۔دوسری جانب سموگ سے بچا ﺅکے لیے شہر کے تمام سرکاری اور پرائیویٹ سکول سے دورروز کیلئے بند ہیں، سکولز مالکان نے حکومت سے سموگ کے خاتمے کیلئے مستقل حل کرنے کا مطالبہ کیا ہے۔ صدر پرائیویٹ سکولز ایسو سی ایشن کاشف ادیب نے کہا ہے کہ سموگ ہر سال آئے گی، کیا ہر سال چھٹی دیں گے، حکومت سموگ سے بچاﺅ کا مستقل حل ڈھونڈا جائے۔