وفاقی وزیر کا کہنا ہے کہ پاکستان کا مستقبل بہتر بنانا ہے تو بچوں کو سائنس کی جانب لانا ہوگا۔
اسلام آباد میں سائنس کے عالمی دن کی مناسبت سے منعقدہ تقریب سے وفاقی وزیر برائے سائنس و ٹیکنالوجی فواد چوہدری نے خطاب کرتے ہوئے کہا کہ پاکستان میں بچیوں کیلئے سائنس میں روزگار کا ماحول بہت اچھا ہے۔
انھوں نے کہا کہ کورونا کا پہلا کیس رپورٹ ہوا تب ماسک، حفاظتی کٹس تمام اشیاء ہم چین سے منگو ارہے تھے، 4 سے 5 مہینے بعد ماسک، حفاظتی کٹس پاکستان میں بنانا شروع کردیں۔
وفاقی وزیر نے کہا کہ پاکستان کا مستقبل بہتر بنانا ہے تو بچوں کو سائنس کی جانب لانا ہوگا، بچیوں کیلئے سائنس میں روزگار کا ماحول بہت اچھا ہے، وہی ملک آگے جائیں گے جن کا مستقبل سائنس علم اور دلیل کے ساتھ وابستہ ہے۔
