لاہور: (ویب ڈیسک) انڈر 19 ورلڈکپ میں شاہینوں کا جیت کے ساتھ سفر اختتام پذیر ہوگیا، پاکستان نے سری لنکا کو دو سو اٹھتیس رنز سے شکست دے دی، شاندار آل راؤنڈ کارکردگی پر قاسم اکرم مین آف دی میچ قرار دیے گئے۔
انڈر نائنٹین ورلڈکپ میں شاہینوں کا جیت کے ساتھ سفر اختتام پذیر، پاکستان نےانٹیگا میں کھیلے گئے میچ میں پہلے بیٹنگ کرتے ہوئے تین وکٹوں پر تین سو پینسٹھ رنز بنائے۔ اوپنر حسیب اللہ خان نے نو چوکوں اور 2 چھکوں کی مدد سے ایک سو چھتیس رنز بنائے۔ کپتان قاسم اکرم نے ایک سو پینتس رنز کی ناقابل شکست اننگز کھیلی۔
ہدف کے تعاقب میں سری لنکن ٹیم پاکستانی بولرز کے آگے بےبس دکھائی دی، پوری ٹیم ایک سو ستائیس رنز پر آل آؤٹ ہوگئی، قاسم اکرم نے پانچ وکٹیں حاصل کیں۔قومی کپتان انڈر 19 ورلڈکپ کی تاریخ میں سنچری اور 5 وکٹیں حاصل کرنے والے پہلے کھلاڑی بن گئے۔
