سیکورٹی فورسز کی بلوچلستان میں کاروائیاں کمانڈر سمیت فتنہ الہندوستان کے 9 دہشت گرد ہلاک گاڑی تباہ

کوئٹہ(نیوز ایجنسیاں )سکیورٹی فورسز اور قانون نافذ کرنے والے اداروں نے بلوچستان میں 2 مختلف کارروائیوں میں کمانڈر سمیت فتنہ الہندوستان
کے9دہشت گردوں کو ہلاک کر دیا جبکہ فائرنگ کے تبادلے کے دوران 4اہلکار زخمی بھی ہوئے ۔سکیورٹی ذرائع کے مطابق مستونگ میں ایک کارروائی میں فتنہ الہندوستان کی گاڑی کوکواڈ کاپٹر کے ذریعے نشانہ بنایاگیا، کمانڈر نقیب سمیت 3دہشت گرد ہلاک اور ان کی گاڑی مکمل طور پرتباہ ہوگئی۔سکیورٹی ذرائع کا کہنا ہے کہ آخری دہشت گرد کے خاتمے تک کارروائیاں جاری رہیں گی۔دوسری جانب پشین کے علاقے سرانان میں سی ٹی ڈی نے انٹیلی جنس بیسڈ آپریشن کر کے فائرنگ کے تبادلے میں 6مبینہ دہشت گرد ہلاک کر دئیے گئے ،ترجمان سی ٹی ڈی کے مطابق فائرنگ کے تبادلے کے دوران 4 اہلکار زخمی بھی ہوئے، ہلاک دہشت گردوں کا تعلق کالعدم تنظیم سے بتایا جاتا ہے، دہشت گردوں سے اسلحہ و بارود بھی برآمد ہوا۔سی ٹی ڈی ترجمان کا کہنا ہے ہلاک دہشتگرد فورسز اور عام شہریوں پر حملوں میں ملوث تھے۔
دہشت گرد