راولپنڈی(خصوصی رپورٹر) ڈسٹرکٹ ایمرجنسی اینڈ ریسپانس کمیٹی برائے انسداد ڈینگی کا اجلاس ڈپٹی کمشنر کیپٹن (ر) ندیم ناصر اور رکن قومی اسمبلی محترمہ طاہرہ اورنگزیب کی زیر صدارت منعقد ہوا۔ اجلاس میں وفاقی پارلیمانی سیکرٹری اطلاعات دانیال چوہدری، سینیٹر ناصر بٹ، چیف ایگزیکٹو آفیسر ہیلتھ، اراکین صوبائی اسمبلی اور متعلقہ محکموں
کے افسران نے شرکت کی۔اجلاس میں ضلع راولپنڈی میں انسداد ڈینگی اقدامات، ویکٹر سرویلنس، لاروا کیسز، فیلڈ رسپانس، فوگنگ، صفائی ستھرائی اور آگاہی سرگرمیوں کے حوالے سے تفصیلی بریفنگ دی گئی۔ بریفنگ میں بتایا گیا کہ رواں سال ڈینگی کی صورتحال گزشتہ سال کی نسبت مجموعی طور پر بہتر ہے جبکہ انسداد ڈینگی سرگرمیوں کی مسلسل نگرانی اور بروقت رسپانس کے باعث صورتحال کو قابو میں رکھنے میں مدد ملی ہے۔بریفنگ کے مطابق رواں سال ضلع راولپنڈی میں ڈینگی کے خلاف ان ڈور اور آٹ ڈور ویکٹر سرویلنس کا دائرہ کار وسیع کیا گیا ہے۔ حساس علاقوں میں گھروں اور ہاٹ سپاٹس کی باقاعدگی سے چیکنگ، لاروا کی نشاندہی اور فوری رسپانس کے ساتھ ساتھ ہائی رسک علاقوں میں ٹارگٹڈ فوگنگ بھی جاری ہے۔اجلاس کو بتایا گیا کہ ستمبر 2026 تک ڈینگی مریضوں کی تعداد گزشتہ سال کے مقابلے میں نمایاں طور پر کم رہی۔ رواں سال ستمبر میں ضلع راولپنڈی میں 53,755 لاروا رپورٹ ہوئے جبکہ ڈینگی کے 9 مریض رپورٹ ہوئے، جبکہ گزشتہ سال اسی عرصے میں 48,045 لاروا کے مقابلے میں 352 مریض رپورٹ ہوئے تھے۔اجلاس میں ہدایت کی گئی کہ ڈینگی کے حوالے سے حساس یونین کونسلز میں سرویلنس، لاروا کیس رسپانس اور صفائی ستھرائی کی سرگرمیوں کو مزید مثر بنایا جائے اور فیلڈ ٹیموں کی کارکردگی کی مسلسل نگرانی کی جائے۔ڈپٹی کمشنر کیپٹن (ر) ندیم ناصر نے کہا کہ ڈینگی کے خاتمے کے لیے تمام متعلقہ محکمے مربوط انداز میں کام جاری رکھیں اور ہاٹ سپاٹس پر خصوصی توجہ دی جائے۔ انہوں نے شہریوں سے بھی اپیل کی کہ اپنے گھروں اور اردگرد کے ماحول میں پانی کھڑا نہ ہونے دیں اور ڈینگی لاروا کی افزائش کے ممکنہ مقامات کی فوری نشاندہی کریں۔رکن قومی اسمبلی محترمہ طاہرہ اورنگزیب نے انسداد ڈینگی سرگرمیوں کو مزید مثر بنانے اور عوامی آگاہی پر خصوصی توجہ دینے کی ضرورت پر زور دیا،
