دپیکا پڈوکون انڈر ورلڈ ڈان داد ابراہیم کو قتل کریں گی

ممبئی(شوبز ڈیسک)بالی وڈ اداکارہ دپیکا پڈوکون کی تاریخی فلم پدماوتی کو ریلیز نہیں کیا گیا، تاہم ان کے حوالے سے تازہ خبر یہ ہے کہ وہ جلد ہی ایک ایکشن تھرلر فلم میں ایک گینگسٹر خاتون کا کردار ادا کرتی نظر آئیں گی۔خبریں ہیں کہ رومانٹک فلموں میں شاندار کارکردگی دکھانے والی دپیکا پڈوکون اب فلم میں خطرناک ہتھیار چلاتی نظر آئیں گی۔دپیکا پڈوکون انڈر ورلڈ ڈان داد ابراہیم کی زندگی پر بننے والی ایک اور ایکشن تھرلر فلم میں ایک ایسی خاتون کا کردار ادا کریں گی، جو انہیں قتل کرنے کا ارادہ رکھتی ہیں۔خیال رہے کہ انڈر ورلڈ ڈان داد ابراہیم کی زندگی پر بالی وڈ میں متعدد فلمیں بنائی جا چکی ہیں،اب ان کی زندگی پر مزید ایک اور فلم بنائی جائے گی، جس میں دپیکا پڈوکون کے ساتھ ورسٹائل اداکار عرفان خان ایکشن میں دکھائی دیں گے۔