اسلام آباد (ویب ڈیسک) قومی احتساب بیورو (نیب) نے سابق وزیراعظم نواز شریف کے صاحبزادوں حسین اور حسن نواز کو انٹرپول کے ذریعے وطن واپس لانے کی کارروائی شروع کرنے کا فیصلہ کرلیا۔نیب ذرائع کے مطابق سابق وزیر خزانہ اسحاق ڈار اور سابق وزیر پنجاب شہباز شریف کے داماد علی عمران کو بھی انٹرپول کے ذریعے واپس لایا جائے گا۔ذرائع نے بتایا کہ پنجاب حکومت کے سیکریٹریز علی جان اور نجم شاہ کے نام بھی ایگزٹ کنٹرول لسٹ (ای سی ایل) پر ڈالنے کی سفارش کی گئی ہے۔’شریف خاندان کے نام ای سی ایل پر ڈالنے کا فیصلہ کابینہ کرے گی‘ نگراں وزیر داخلہ اعظم خان نے کہا ہے کہ شریف خاندان اور دیگر متعلقہ افراد کے نام ای سی ایل پر ڈالنے کا فیصلہ کابینہ کرے گی۔مسلم لیگ (ن) کا نیب کی کارروائیوں پر سخت حکمت عملی اپنانے کا فیصلہ۔انہوں نے کہا کہ کابینہ کی ذیلی کمیٹی اس معاملے پر اجلاس کرے گی جو سفارشات تیار کرکے کابینہ کو بھیجے گی۔انہوں نے بتایا کہ کابینہ کی ذیلی کمیٹی کی ایک رکن بیرون ملک ہیں۔ان کا مزید کہنا تھا کہ کسی کو انٹرپول کے ذریعے لانے یا نہ لانے کا اختیار بھی وزارت داخلہ کے پاس ہے۔مسلم لیگ (ن) کا نیب کی کارروائیوں پر سخت حکمت عملی اپنانے کا فیصلہ کیا ہے ۔سابق وزیراعظم نواز شریف نے پارٹی رہنماو¿ں کو نیب کی کارروائیوں کے خلاف احتجاج کی ہدایت کردی ہے۔نیب نے گزشتہ روز قومی اسمبلی کے حلقہ این اے 59 سے چوہدری نثار کے مد مقابل مسلم لیگ (ن) کے امیدوار قمرالاسلام کو گرفتار کیا جنہیں صاف پانی کمپنی کے اسکینڈل میں 14 روزہ جسمانی ریمانڈ پرنیب کے حوالے کیا گیا ہے۔(ن) لیگی رہنما قمرالاسلام 14 روزہ جسمانی ریمانڈ پر نیب کے حوالے۔ذرائع کےمطابق مسلم لیگ (ن)نے نیب کی کارروائیوں پر سخت حکمت عملی اپنانے کا فیصلہ کیا ہے اور (ن) لیگ کے قائد نوازشریف نے لندن سے پارٹی رہنماو¿ں کو فون کیے جس میں انہوں نے نیب کی کارروائیوں کےخلاف احتجاج کی ہدایت کی ہے۔میاں نوازشریف نے پارٹی کے صدر شہبازشریف کو بھی کراچی ٹیلی فون کیا اور انتخابی مہم پر گفتگو کی۔

اسلام آباد(ویب ڈیسک) وزیراعظم نے حالیہ اجلاس میں ڈی جی آئی بی کی تبدیلی کا فیصلہ کیا۔ الیکشن کمیشن اور نگران وزیراعظم نے ڈائریکٹر جنرل انٹیلی جنس بیورو سمیت اہم وفاقی سیکریٹریز کے تبادلوں کی منظوری دے دی۔ طاہر رضا نقوی کو سیکریٹری پارلیمانی امور، سابق چیف سیکریٹری بلوچستان اورنگزیب حق کو سیکریٹری اسٹیبلشمنٹ اور رضوان میمن کو سیکرٹری توانائی لگانے کی منظوری دی گئی ہے۔سیکرٹری داخلہ ارشد مرزا کو احمد نواز سکھیرا کی جگہ سیکریٹری اطلاعات جب کہ سیکریٹری توانائی یوسف نسیم کھوکھر کو سیکریٹری داخلہ لگایا جائے گا۔حکومت نے چیئرمین ایف بی آر طارق باجوہ کو تبدیل کرکے سیکریٹری شماریات رخسانہ یاسمین کو چیئرپرسن ایف بی آر لگانے کی منظوری دی ہے جب کہ ڈی جی پاسپورٹ عشرت علی کوتبدیل کرکے چیرمین سی ڈی اے تعینات کیا جائے گا۔اس کے علاوہ سیکریٹری اسٹیبلشمنٹ معروف افضل کوسیکریٹری صنعت وپیداوار لگانے کی منظوری دی گئی ہے۔ذرائع کے مطابق ڈائریکٹر جنرل انٹیلی جنس بیورو ڈاکٹر سلیمان کو بھی تبدیل کرنے کی منظودی دی گئی ہے جب کہ ان کی جگہ نیکٹا کے سربراہ احسان غنی کو نیا ڈی جی لگائے جانے کا امکان ہے۔

کراچی(ویب ڈیسک) مسلم لیگ ن کے صدر شہباز شریف نے گانا گنگنا کر سب کو حیران کر دیا۔شہباز شریف اپنے جوش خطابت کی وجہ سے خاصے مشہور ہیں اور وہ اکثر اپنی تقاریر کے دوران علامہ اقبال اور حبیب جالب کے شعر بھی سناتے رہتے ہیں۔لیکن گزشتہ روز کراچی سے انتخابی مہم کا آغاز کرنے والے شہباز شریف نے ایک مقامی ہوٹل میں احمد رشدی کا مشہور زمانہ گانہ گا کر سب کو حیران کر دیا۔شہباز شریف نے سوشل میڈیا پر اپنے ٹوئٹ میں بتایا کہ مقامی ہوٹل میں عوام کے اسرار پر ’اکیلے نا جانا، ہمیں چھوڑ کر تم، تمھارے بناء ہم بھلا کیا جیئیں گے‘ گایا۔ مقامی گلوکار کے ساتھ گانا گا کر بہت اچھا لگا۔شہباز شریف نے اپنے گائے ہوئے گانے کی ویڈیو بھی سوشل میڈیا پر شیئر کی۔