اسلام آباد(مانیٹرنگ ڈیسک) چائے والے سے شہرت پانیوالے ارشد خان نے عمران خان کے دھرنے میں شرکت نہ کرنے کا دوٹوک اعلان کردیا اور کہاکہ کوئی بھی فضول بات کرے تو وہ اس کا جواب ہی نہیں دیتا، تاکہ آئندہ کوئی غلط بات نہ کرے۔ نجی ٹی وی کے پروگرام میں عمران خان سے محبت اور دھرنے میں شرکت وغیرہ سے متعلق سوال کے جواب میں ارشدخان کاکہناتھاکہ کسی پارٹی سے کوئی تعلق ہے اور نہ ہی کسی پارٹی کا شوق ہے ، عمران خان کے دھرنے میں بھی جانے کا ارادہ نہیں ، جب سے پیداہواہوں تو آج تک کسی جلسے میں گیا ہوں اور نہ ہی کبھی دھرنے میں شرکت کی ، اپنے کام سے کام رکھتاہوں ، اسی لیے یہاں تک آگیا۔ ارشد خان کاکہناتھا کہ خاموشی اور عزت سے اپنا کام کرتاہوں ، صبح کام پرآتاہوں اور شام کو چلا جاتاہوں ، کسی کو فضول بات کاجواب ہی نہیں دیتا۔

اسلام آباد (نیٹ نیوز) کھلاڑی نہ فنکار پر چار دن میں سپر سٹار بنئے والااسلام آباد کا چائے والا شہرت ملتے ہی ہیرو بن گیا ارشد خان نے پرسنل سیکرٹری بھی رکھ لیا۔تفصیلات کےمطابق چائے والے کو سوشل میڈیا پر اتنی چاہ ملی کہ اب صاحب سے ملنے کے لئے اپوائنٹمنٹ لینا پڑتی ہےارشد نے اس کام کے لئے پی اے بھی رکھ لیا ہے۔راتوں رات شہرت کی بلندیوں کو چھونے والے ارشد کا ہیر اسٹائل بدل چکا ہے تو ادائیں بھی ہیرو جیسی ہیں صاحب کہتے ہیں ماڈلنگ اور اداکاری کی آفرز ہی بڑی ہیں۔سپر سٹار چائے والے کی ایک جھلک دیکھنے کے لئے لوگوں کا بھی تانتا بندھا رہتا ہے جبکہ نئے ہیرو کے ساتھ ایک سیلفی کے لئے بھی جتن کئے جا رہے ہیں۔