شاہینوں کا کینگروز کیخلاف بڑا پلان تیار

برسبین(نیوزایجنسیاں) پاکستان اور آسٹریلیا کے مابین 5ون ڈے میچز کی سیریز کا آغاز (کل) جمعے سے ہوگا۔شاہینوں نے کینگروز سے لڑنے کا پلان بنالیا ہے۔نیٹ سیشن میں بلے بازوں کو دھواں دھار بیٹنگ کی ٹپس دی گئیں۔ بلے بازوں کولائن اور لینتھ سیٹ کرانے پر کوچز کی خصوصی توجہ رہی۔آسٹریلیاء کے خلاف مشکل سیریزکےلیے پاکستان نے سخت تیاری کی ہے۔شاہینوں نے اسپیڈ پکڑلی ہے اورکینگروز کو ٹارگٹ کرلیا ہے۔برسبین میں ون ڈے سیریز کا پلان فائنل ہوچکاہے۔فزیکل فٹنس پر خصوصی توجہ دی جارہی ہے۔ٹیم کے پریکٹس سیشن میں کھلاڑیوں نے فٹبال کھیلی۔فیلڈنگ اور کیچ پریکٹس کی۔ہیڈ کوچ مکی آرتھر نے بلے بازوں کودھواں دھار بیٹنگ کی ٹپس دیں۔پاکستان کے بالرز کی لائن و لینتھ کوچ اظہر محمود نے سیٹ کرائی۔پانچ میچز کی پاک آسٹریلیاون ڈے سیریز جمعے سے برسبین میں شروع ہوگی۔ پہلا میچ ڈے اینڈ نائٹ ہوگا اور پاکستان کے وقت کے مطابق صبح ساڑھے آٹھ بجے شروع ہوگا۔ پاکستان اور آسٹریلیا ون ڈے سیریز شروع ہونے کا انتظار ختم ہونے کے قریب پہنچ گیا ، پہلامیچ کل کھیلا جائے گا ، ٹیسٹ سیریز میں وائٹ واش کے زخموں سے چور شاہینوں نے وارم اپ میچ میں فتح سمیٹ کر جیت کی سیڑھی پر قدم رکھ دیا ہے۔تفصیلات کے مطابق دونوں ملکوں کے درمیان پانچ ایک روزہ میچوں کی سیریز پرسوں شروع ہونے جا رہی ہے ، گرین شرٹس نے وارم اپ میچ کھیلنے کے ساتھ ساتھ خوب پریکٹس بھی کی ہے۔کپتان اورکھلاڑی میچ جیتنے کے لئے پوری طرح پرعزم ہیں۔پاکستان ٹیم کو اچانک وکٹ کیپربیٹسمین سرفراز احمدعدم دستیابی کابھی دھچکا لگاہے۔ وہ اپنی والدہ کی بیماری کی وجہ سے واپس آرہے ہیں اس سے قبل فاسٹ باو¿لر محمد عرفان بھی اپنی والدہ کی وفات کے باعث ملک واپس آچکے ہیں۔پہلا ون ڈے میچ نوجوان بلے باز بابر اعظم کے لئے انتہائی اہمیت اختیار کر گیا۔22سالہ بابر اعظم نے 18میچ کھیل کر886رنز بنائے ہیں ،اگر 13جنوری کو بابر اعظم 114رنز بنانے میں کامیاب ہو گئے تو وہ کرکٹ کی دنیا کے واحد پلیئر ہوں گے جنہوں نے کم ترین19 میچوں میں 1000ہزار بنانے کا یہ کارنامہ سرانجام دیا ہو۔واضح رہے کہ پاکستان اور آسٹریلیا کی ٹیمیں اب تک 93 با ر مدِ مقابل آئی ہیں ، جن میں سے 58 میچوں میں کینگروز کامیاب ہوئے جبکہ 31 میچوں میں فتح شاہینوں کے حصے میں آئی ، ایک میچ برابر اور 3 بے نتیجہ رہے۔