لاہور(اپنے سٹاف رپورٹر سے) وزیراعلیٰ پنجاب محمد شہبازشریف کی زیر صدارت پنجاب کابینہ کا اجلاس منعقد ہوا جس میں گندم کی خریداری پالیسی 2017-18 کی منظوری دی گئی-رواں برس 40لاکھ میٹرک ٹن گندم خریداری کا ہدف مقرر کیا گیاہے اور کاشتکارو ں سے گندم 1300روپے فی من خریدی جائے گی-ضرورت پڑنے پر گندم خریداری کے ہدف میں مزیداضافہ کیا جائے گا-کاشتکاروں کو باردانہ کی تقسیم 15اپریل سے شروع ہوگی- وزیر اعلی محمد شہباز شریف نے صوبائی کابینہ کے اجلاس سے خطاب کرتے ہوئے ہدایت کی کہ مقررہ ہدف سے زائد گندم کی خریداری کی صورت میں 15فیصد باردانہ مزید خریدنے کا بندوبست کیا جائے-انہوںنے کہا کہ باردانہ کی تقسیم انتہائی شفاف طریقے سے ہوگی اورگندم خریداری مراکز پر کاشتکاروں کو ہر ممکن سہولتیں ترجیحی بنیادوں پر فراہم کی جائیں گی -انہوںنے کہا کہ اللہ تعالی کے بے پایاں فضل وکرم او رکاشتکاروں کی محنت کے باعث گندم کی شاندار فصل ہوئی ہے -حکومتی اقدامات اور زرعی مداخل پر سبسڈیز کی فراہمی کے باعث گندم کی فی ایکڑ پیداوار میں اضافہ ہواہے-انہوںنے کہا کہ گندم خریداری مہم کے دوران کاشتکاروں کے حقوق کا تحفظ کریں گے اور کسی کو کسانوں کا حق نہیں مارنے دوں گا -وزیر اعلی نے ہدایت کی کہ باردانہ کی تقسیم کے عمل کو انفارمیشن ٹیکنالوجی کے ذرےعے شفاف بنایاجائے اور گندم خریداری مہم کی ڈیجیٹل مانیٹرنگ بھی کی جائے- انفارمیشن ٹیکنالوجی کی مدد سے نہ صرف باردانہ کی تقسیم میں شفافیت بڑھے گی بلکہ کاشتکاروں کی شکایات کا بھی ازالہ ہوگا- وزیر اعلی نے کہا کہ جہاں کہیں مجھے کوئی شکایت ملی تو انتظامیہ اورمتعلقہ افسران کے خلاف ایکشن لوں گا-کسان میرے بھائی ہیں، ان کے مفادات کا تحفظ پہلے بھی کیا ،آئندہ بھی کروں گا- انہوں نے کہا کہ وزراء، مشیران، معاونین خصوصی اور سیکرٹریز گندم خریداری مہم کی نگرانی کریں گے اور میں خود بھی گندم خریداری مہم کا ذاتی طو رپر جائزہ لوںگا-وزیر اعلی نے ہدایت کی کہ گندم خریداری مہم کے لئے 36اضلاع میں محنتی، ایماندار اورفرض شناس افسروں کو تعینات کیاجائے-وزیر اعلی نے کاشتکاروں کو سہولتیں دینے او رگندم کی شاندار فصل پر صوبائی وزیر زراعت، سیکرٹری زراعت او رمحکمہ کے افسروں اور عملے کو مبارکباد دیتے ہوئے کہا کہ گندم کو ذخیرہ کرنے کے حوالے سے جدید سائلوز بھی بننے چاہئیں تھے اور اس مقصدکے لئے اداروں کو اپنی ذمہ داریاں نبھانا ہیں- انہوں نے کہا کہ گندم کی خریداری کے ہدف کو حاصل کرنے کے لئے متعلقہ اداروں کو محنت ، دیانتداری اور لگن کے ساتھ اپنے فرائض سرانجام دیتے ہوئے خریداری مہم کو کامیابی سے ہمکنار کرنا ہے – انہوںنے کہا کہ چھوٹے کاشتکاروں کا مفاد بے حد مقدم ہے اور وہ اپنی جتنی گندم فروخت کرنا چاہیں گے حکومت ان سے خریدے گی اور کسی کو بھی کسانوں کا استحصال نہیں کرنے دیا جائے گا- گنجائش نہ ہونے کا بہانہ بنا کر گندم کی خریداری کے عمل میں سستی یا کوتاہی کسی صورت برداشت نہیں کی جائے گی- وزیر اعلی محمد شہباز شریف نے توانائی منصوبوں کا تذکرہ کرتے ہوئے کہا کہ بھکی میں 1200میگا واٹ کا گیس پاور کامنصوبہ رواں ماہ کے وسط میں 750میگا واٹ بجلی کی پیداوار شروع کردے گا -بھکی گیس پاور منصوبے کی دونو ں ٹربائنز کے کامیابی سے ٹرائل ٹیسٹ ہو رہے ہیں-وزیراعظم محمد نوازشریف اس کا افتتاح کریں گے اور یہ منصوبہ2سال سے بھی کم عرصے میں بجلی کی پیداوار دے گا-نومبر ، دسمبر میںاس منصوبے کی تیسری ٹربائن چلے گی اور 1200میگا واٹ بجلی پیدا ہوگی جو وزیر اعظم محمد نواز شریف کی قیادت میں توانائی منصوبوں پر دن رات کام کرنے کا ثمر ہے اور یہ حکومت کی بہت بڑی کامیابی ہے – انہوںنے کہا کہ 1320میگا واٹ کا ساہیوال کول پاور پراجیکٹ رمضان المبارک سے قبل 660میگا واٹ بجلی فراہم کر ے گااوریہ منصوبہ رمضان المبارک کے دوران 660میگا واٹ مزید بجلی پیدا کرے گا-اس طرح موسم گرما میں ان دو منصوبوں سے 2000میگا واٹ بجلی نیشنل گرڈ میں شامل ہوگی اوراس اضافی بجلی سے عوام کو ریلیف ملے گا-ان منصوبوں کا کریڈ ٹ وزیراعظم محمد نوازشریف کے جرات مندانہ فیصلوں کو جاتا ہے – اگر وہ یہ فیصلے نہ کرتے تو شائد لوڈشیڈنگ کے خاتمے کا خواب کبھی پورا نہ ہو تا- پنجاب کا بینہ نے کسانوںکے لئے اقدامات اٹھانے اور انہیں ریلیف دینے پر وزیراعلی شہبازشریف کو خراج تحسین پیش کیا جبکہ شعبہ زراعت سے وابستہ اراکین قومی وصوبائی اسمبلی نے اس موقع پر اظہار خیال کرتے ہوئے کہا کہ حکومت کی فراہم کردہ سہولتوں سے چھوٹے کاشتکار کی حالت بہتر ہوئی ہے – شہباز شریف چھوٹے کاشتکاروں سے بے پناہ دلی لگا¶ رکھتے ہیں اوران کی کسان دوستی کے باعث فی ایکڑ پیداوار میں اضافہ ممکن ہوا ہے – انہوںنے کہا کہ وزیر اعلی شہباز شریف نے کسانوں کو جتنا ریلیف دیا ہے، شائد انہوںنے کبھی اس کے بارے میں سوچا بھی نہ تھا- انہوںنے کسانوں کو ان کی سوچ سے بڑھ کر ریلیف فراہم کیا ہے – کاشتکاروں کو فصلو ںمیں ہونے والے نقصانات کے ازالے کیلئے بھی بے مثال اقدامات کئے گئے- اجلاس کے شرکاءنے گیس پاور منصوبوں کی تیزی سے تکمیل پر وزیراعلی شہبازشریف کے اقدامات کی تعریف کرتے ہوئے کہا کہ وزیر اعظم محمد نواز شریف اور وزیر اعلی محمد شہباز شریف کی دور اندیشی اور جاندار فیصلوں کے باعث ملک سے لوڈشیڈنگ اور بجلی نہ ہونے کے باعث چھائے اندھیرے چھٹ جانے کا وقت آگیا ہے – پنجاب کابینہ نے چھوٹے کاشتکاروں کو ریلیف فراہم کرنے کے پیش نظر سٹاک میں موجود اضافی گندم کوبرآمد کرنے کا فیصلہ کیا ہے – وزیر اعلی نے اس مقصد کیلئے شفاف نظام کے تحت فوری اقدامات اٹھانے کی ہدایت کی – کابینہ اجلاس میں صوبائی وزراء، مشیران ، معاونین خصوصی، چیف سیکرٹری، شعبہ زراعت سے تعلق رکھنے والے اراکین قومی و صوبائی اسمبلی نے شرکت کی۔ وزیراعلیٰ پنجاب محمد شہبازشریف سے رکن قومی اسمبلی سردار اویس لغاری نے ملاقات کی جس میں جنوبی پنجاب میں جاری ترقیاتی منصوبوں اور فلاحی پروگراموں پرتبادلہ خیال کیا گیا۔ وزیراعلیٰ محمد شہبازشریف نے اس موقع پر گفتگو کرتے ہوئے کہا کہ جنوبی پنجاب کے عوام کی ترقی اور خوشحالی مجھے بے حد عزیز ہے اور یہی وجہ ہے کہ رواں مالی برس بھی جنوبی پنجاب کی ترقی اور عوام کی خوشحالی کیلئے اربوں روپے کے اضافی وسائل رکھے گئے ہیں اور جنوبی پنجاب میں میگا پراجیکٹس کی تکمیل سے عوام کو ثمرات مل رہے ہیں جبکہ اربوں روپے کے نئے منصوبوں پر بھی تیزرفتاری سے کام جاری ہے۔ وزیراعلیٰ نے کہا کہ ملتان میٹرو بس پراجیکٹ جنوبی پنجاب کے عوام کیلئے ایک شاندار تحفہ ہے اور میٹرو بسیں چلنے سے شہریوں کو بین الاقوامی معیار کی جدید اور تیز رفتار سفری سہولتیں میسر آئی ہیں۔ جنوبی پنجاب کے لاکھوں افراد روزانہ میٹرو بسوں پر سفر کرکے منزل مقصود پر پہنچ رہے ہیں۔ انہوں نے کہا کہ ملتان اور بہاولپور میں سیف سٹی پراجیکٹ بھی شروع کیا جا رہا ہے جبکہ جنوبی پنجاب کی ترقی کیلئے انفراسٹرکچر اور دیگر شعبوں میں بھی کئی اہم منصوبوں پر دن رات کام جاری ہے۔ انہو ںنے کہا کہ مفاد عامہ کے منصوبوں کی مخالفت کرنے والے بعض سیاسی عناصر عام آدمی کی ترقی اور خوشحالی کی مخالفت کر رہے ہیں اور پاکستان کے باشعورعوام ترقی کے مخالف ایسے عناصر کو پہچان چکے ہےں اور یہ عناصرپہلے بھی ناکام و نامراد رہے اور آئندہ بھی ان کی منفی سیاست کامیاب نہیں ہوگی۔انہوں نے کہا کہ جنوبی پنجاب کی ترقی و خوشحالی کے پروگراموں پر پیشرفت کی میں ذاتی طور پر نگرانی کر رہا ہوں اور مسلم لیگ (ن) کی حکومت جنوبی پنجاب کے عوام کو مزید خوشیاں دے گی۔وزیراعلیٰ پنجاب محمد شہبازشریف سے وفاقی وزےر پٹرولےم شاہد خاقان عباسی نے ملاقات کی جس میں باہمی دلچسپی کے اموراورتوانائی کے منصوبوں خصوصاً گےس سے لگنے والے بجلی کے منصوبوں کے حوالے سے بات چیت کی گئی۔ وزیراعلیٰ محمد شہبازشریف نے اس موقع پر گفتگو کرتے ہوئے کہا کہ پنجاب مےںگےس سے3600مےگاواٹ بجلی پیدا کرنے کے 3 منصوبے تیزی سے مکمل کئے جا رہے ہیں اور ان منصوبوں میں شفافیت کے اعلیٰ معیار کے تحت قوم کے 112 ارب روپے بچائے گئے ہیں۔گزشتہ چاربرس کے دوران توانائی منصوبوں کیلئے بے پناہ محنت کی گئی ہے۔ انہوں نے کہا کہ ملک کو اندھیروں میں دھکیلنے کی ذمہ دار بعض سیاسی جماعتیں بجلی کے منصوبوں کی تیزرفتار تکمیل سے پریشان ہیں اور توانائی منصوبوں کی تیز رفتاری سے تکمیل عوام کی ترقی کے مخالفین پر بجلی بن کر گر رہی ہے۔ انہوں نے کہا کہ گیس کی بنیاد پر بجلی کے منصوبے27 ماہ کی ریکارڈ مدت میں مکمل ہونے جا رہے ہیں۔ 2017 کے آخر میں توانائی کے متعدد منصوبے مکمل ہو جائیں گے اور ان منصوبو ںکی تکمیل سے اندھیرے ختم ہوں گے۔ زراعت ، صنعت، لائیو سٹاک ، تعلیم، صحت اور سماجی شعبوں کیلئے وافربجلی دستیاب ہو گی۔ وزیراعلیٰ پنجاب محمد شہبازشریف نے سابق گورنر سندھ اور پاک بھارت جنگ 1965 کے ہیرو ائیرمارشل (ر) عظیم داﺅد پوتا کے انتقال پر گہرے دکھ اور افسوس کا اظہار کیا ہے۔ وزیراعلیٰ نے عظیم داﺅد پوتا کی وطن کے دفاع کیلئے خدمات کو خراج عقیدت پیش کرتے ہوئے کہا کہ انہوں نے پاک بھارت جنگ کے دوران جرا¿ت و بہادری کی تاریخ رقم کی جسے ہمیشہ یاد رکھا جائے گا۔ وزیراعلیٰ نے سوگوار خاندان سے ہمدردی اور تعزیت کا اظہار کرتے ہوئے دعا کی کہ اللہ تعالیٰ مرحوم کی روح کو جوار رحمت میں جگہ دے اور غمزدہ خاندان کو صبر جمیل عطا فرمائے۔ وزیراعلیٰ پنجاب محمد شہبازشریف سے وفاقی وزےر پٹرولےم شاہد خاقان عباسی نے ملاقات کی جس میں باہمی دلچسپی کے اموراورتوانائی کے منصوبوں خصوصاً گےس سے لگنے والے بجلی کے منصوبوں کے حوالے سے بات چیت کی گئی۔ وزیراعلیٰ محمد شہبازشریف نے اس موقع پر گفتگو کرتے ہوئے کہا کہ پنجاب مےںگےس سے3600مےگاواٹ بجلی پیدا کرنے کے 3 منصوبے تیزی سے مکمل کئے جا رہے ہیں اور ان منصوبوں میں شفافیت کے اعلیٰ معیار کے تحت قوم کے 112 ارب روپے بچائے گئے ہیں۔گزشتہ چاربرس کے دوران توانائی منصوبوں کیلئے بے پناہ محنت کی گئی ہے۔ انہوں نے کہا کہ ملک کو اندھیروں میں دھکیلنے کی ذمہ دار بعض سیاسی جماعتیں بجلی کے منصوبوں کی تیزرفتار تکمیل سے پریشان ہیں اور توانائی منصوبوں کی تیز رفتاری سے تکمیل عوام کی ترقی کے مخالفین پر بجلی بن کر گر رہی ہے۔ انہوں نے کہا کہ گیس کی بنیاد پر بجلی کے منصوبے27 ماہ کی ریکارڈ مدت میں مکمل ہونے جا رہے ہیں۔ 2017 کے آخر میں توانائی کے متعدد منصوبے مکمل ہو جائیں گے اور ان منصوبو ںکی تکمیل سے اندھیرے ختم ہوں گے۔ زراعت ، صنعت، لائیو سٹاک ، تعلیم، صحت اور سماجی شعبوں کیلئے وافربجلی دستیاب ہو گی۔ قبل از یں وزیراعلیٰ پنجاب محمد شہبازشریف سے رکن قومی اسمبلی سردار اویس لغاری نے ملاقات کی جس میں جنوبی پنجاب میں جاری ترقیاتی منصوبوں اور فلاحی پروگراموں پرتبادلہ خیال کیا گیا۔ وزیراعلیٰ محمد شہبازشریف نے اس موقع پر گفتگو کرتے ہوئے کہا کہ جنوبی پنجاب کے عوام کی ترقی اور خوشحالی مجھے بے حد عزیز ہے اور یہی وجہ ہے کہ رواں مالی برس بھی جنوبی پنجاب کی ترقی اور عوام کی خوشحالی کیلئے اربوں روپے کے اضافی وسائل رکھے گئے ہیں اور جنوبی پنجاب میں میگا پراجیکٹس کی تکمیل سے عوام کو ثمرات مل رہے ہیں جبکہ اربوں روپے کے نئے منصوبوں پر بھی تیزرفتاری سے کام جاری ہے۔ وزیراعلیٰ نے کہا کہ ملتان میٹرو بس پراجیکٹ جنوبی پنجاب کے عوام کیلئے ایک شاندار تحفہ ہے اور میٹرو بسیں چلنے سے شہریوں کو بین الاقوامی معیار کی جدید اور تیز رفتار سفری سہولتیں میسر آئی ہیں۔ جنوبی پنجاب کے لاکھوں افراد روزانہ میٹرو بسوں پر سفر کرکے منزل مقصود پر پہنچ رہے ہیں۔ انہوں نے کہا کہ ملتان اور بہاولپور میں سیف سٹی پراجیکٹ بھی شروع کیا جا رہا ہے جبکہ جنوبی پنجاب کی ترقی کیلئے انفراسٹرکچر اور دیگر شعبوں میں بھی کئی اہم منصوبوں پر دن رات کام جاری ہے۔ انہو ںنے کہا کہ مفاد عامہ کے منصوبوں کی مخالفت کرنے والے بعض سیاسی عناصر عام آدمی کی ترقی اور خوشحالی کی مخالفت کر رہے ہیں اور پاکستان کے باشعورعوام ترقی کے مخالف ایسے عناصر کو پہچان چکے ہےں اور یہ عناصرپہلے بھی ناکام و نامراد رہے اور آئندہ بھی ان کی منفی سیاست کامیاب نہیں ہوگی۔انہوں نے کہا کہ جنوبی پنجاب کی ترقی و خوشحالی کے پروگراموں پر پیشرفت کی میں ذاتی طور پر نگرانی کر رہا ہوں اور مسلم لیگ (ن) کی حکومت جنوبی پنجاب کے عوام کو مزید خوشیاں دے گی۔ دوسری جانب وزیراعلیٰ پنجاب محمد شہبازشریف نے سابق گورنر سندھ اور پاک بھارت جنگ 1965 کے ہیرو ائیرمارشل (ر) عظیم داﺅد پوتا کے انتقال پر گہرے دکھ اور افسوس کا اظہار کیا ہے۔ وزیراعلیٰ نے عظیم داﺅد پوتا کی وطن کے دفاع کیلئے خدمات کو خراج عقیدت پیش کرتے ہوئے کہا کہ انہوں نے پاک بھارت جنگ کے دوران جرا¿ت و بہادری کی تاریخ رقم کی جسے ہمیشہ یاد رکھا جائے گا۔ وزیراعلیٰ نے سوگوار خاندان سے ہمدردی اور تعزیت کا اظہار کرتے ہوئے دعا کی کہ اللہ تعالیٰ مرحوم کی روح کو جوار رحمت میں جگہ دے اور غمزدہ خاندان کو صبر جمیل عطا فرمائے۔

لاڑکانہ، گڑھی خدا بخش، نوڈیرو (بیورو رپورٹ، نمائندگان) شہید ذوالفقار علی بھٹو کی 38 ویں برسی گڑھی خدا بخش بھٹو میں عقیدت و احترام سے منائی گئی۔ اس موقع پر پاکستا ن پیپلز پارٹی کی جانب سے گڑھی خدا بخش بھٹو مزار کے احاطے میں جلسہ عام کا انعقاد کیا گیا جس سے سابق صدر آصف علی زرداری اور پیپلز پارٹی کے چیئر مین بلاول بھٹو زرداری سمیت پیپلز پارٹی کے رہنماو¿ں نے خطا ب کیا۔ جلسے کا آغاز تلاوت کلام پاک سے کیا گیا جبکہ شہید ذوالفقار علی بھٹو کو خراج عقیدت پیش کرنے کیلئے ادیبوں اور دانشورو ں نے مکالمے پڑھے ،جلسے میں پانچ بج کر بیس منٹ پر ایک منٹ کی خاموشی اختیار کی گئی۔ اس موقع پر سکیورٹی کے انتہائی سخت انتظامات کیے گئے تھے۔ سندھ بھر سے پولیس کے 32 ایس ایس پیز،ایس ایس پی لاڑکانہ عمر طفیل کی سربراہی میں فرائض سر انجام دے رہے تھے جبکہ ساٹھ سے زائد ڈی ایس پیز اور سات ہزار پولیس اہلکار بھی تعینات کیے گئے تھے جن میں ٹریفک پولیس اہلکار، کمانڈوز اور لیڈیز پولیس بھی شامل ہیں۔ جلسہ گاہ کے خارجی و داخلی راستوں پر واک تھرو گیٹس نسب کیے گئے تھے۔ جلسہ گاہ میں داخل ہونے والے تمام افراد کی جامع تلاشی لی گئی۔ ذوالفقار علی بھٹو کی 38 ویں برسی پر انہیں خراج عقیدت پیش کرنے کیلئے سندھ بھر سمیت دیگر صوبوں سے بھی قافلے لاڑکانہ پہنچے۔ اس موقع پر پیپلز پارٹی کی جانب سے شہر بھر کے مختلف مقامات پر ۱ستقبالیہ کیمپ لگائے تھے جبکہ مزار کے احاطے میں میڈیکل کیمپ بھی لگایا گیا تھا ،شدید گرمی کے باعث پارٹی کارکنان مشکلات کا شکار رہے آزاد حلقوں کے مطابق جلسہ گاہ میں پندرہ سے بیس ہزار افراد نے شرکت کی۔ اس موقع پر کارکنوں نے گو نواز گو کے نعرے بھی لگائے۔ پیپلزپارٹی پارلیمنٹیرینز کے صدر آصف علی زرداری نے کہاہے کہ عوام سے وعدہ ہے کہ آئندہ وفاق میں حکومت بناکردکھاﺅں گا۔ اس بار اپوزیشن میں رہ کر تھوڑے بندوں سے چیئرمین سینیٹ بنالیا تو اگلی بار وزیراعظم بھی بنا کر دکھا ﺅں گا، پاناما کیس کے فیصلے کا آنے کا انتظار کررہے ہیں،ہردورمیں اونچ نیچ آتی رہتی ہے ، صرف 15 دن پنجاب میں بیٹھا تو کاغذی شیروں اور بلے والوں کا حال خراب ہو گیا۔ پنجاب کے ہر ضلع میں جاﺅں گا، دیکھنا سارے پیٹو بھاگیں گے،پیپلزپارٹی پر میلی نظر رکھنے والوں سے پہلے ڈرے نہ اب ڈریں گے۔ وہ منگل کو یہاںگڑھی خدا بخش بھٹو میں پیپلزپارٹی کے بانی ذوالفقار علی بھٹو کی 38 ویں برسی کی تقریب کے موقع پر جلسے سے خطاب کررہے تھے ۔ آصف علی زرداری نے کہا کہ شہید بھٹو نے پاکستان کو نیوکلیئر پروگرام دیا لیکن یہ لوگ کہتے ہیں کہ پاکستان کو نیوکلیئرطاقت نواز شریف نے بنایا، ذوالفقار بھٹو کے ساتھ بہت زیادتیاں ہوئیں ہیں جب کہ بی بی صاحبہ نے کبھی اپنی بات نہیں کی ہمیشہ پاکستان کے بارے میں سوچا۔ انہوں نے کہا کہ صرف 15 دن پنجاب میں بیٹھا تو کاغذی شیروں اور بلے والوں کا حال خراب ہوگیا، پنجاب کے ہر ضلع میں جاں گا، دیکھنا سارے پیٹو بھاگیں گے۔سابق صدر نے کہا کہ پیپلزپارٹی پر میلی نظر رکھنے والوں سے پہلے ڈرے نہ اب ڈریں گے، ہم اس سال الیکشن کے لیے تیار ہیں اور ان کا مقابلہ کریں گے، عوام سے وعدہ ہے کہ اگلی حکومت ہم بنا کر دکھائیں گے۔ اس بار اپوزیشن میں رہ کر تھوڑے بندوں سے چیئرمین سینیٹ بنالیا تو اگلی بار وزیراعظم بھی بنا کر دکھا ﺅں گا۔ انہوں نے کہا کہ پاناما کیس کے فیصلے کا آنے کا انتظار کر رہے ہیں، ہم نہیں سمجھتے پاکستان میں کبھی بھی انصاف ہوا ہے، ہمارے ساتھ ہر دور میں ظلم وزیادتی ہوتی رہی ہیں لیکن آج دیکھنا ہے کہ ان کے ساتھ کیا ہوتا ہے اور کیا نہیں ہوتا ہے۔آصف زرداری نے کہا کہ آج صرف بجلی دگنی مہنگی نہیں ہوئی بلکہ پانی کی بھی قلت ہوگئی ہے، عوام کے پاس بجلی اور پانی نہیں ہے اور یہ لوگ بہتر طرز حکمرانی کے دعوے کررہے ہیں۔ پاکستان پیپلز پارٹی کے چیئرمین بلاول بھٹو زرداری نے کہا ہے کہ عوام میاں صاحب کو نکال کر دم لیں گے ‘ سندھ کے عوام نوازشریف کو اچھی طرح جانتے ہیں ‘ آپ چھوٹے صوبوں کے حقوق پر ڈاکہ ڈال رہے ہیں‘ ترقی کے نام پر لوگوں کو بے وقوف بنا کر اربوں روپے کی کرپشن ہو رہی ہے ‘ میاں صاحب آپ وفاق کو کمز ور کر نے کا خطرناک کھیل کھیل رہے ہیں‘مجھے ملک کے نوجوانوں کو بھرپور کردار ادا کرنا ہو گا‘یہ حکمران عوام کے ووٹوں سے نہیں دھونس دھاندلی سے اقتدار میں آتے ہیں ‘ان کی کوئی معاشی اور خارجہ پالیسی نہیں ‘ان کو حکومت کرنی نہیںآتی یہ ملک کو تنہائی کی طرف لے کر جا رہے ہیں‘ یہ اپنی کرپشن کی کمائی بچانے کے چکر میں عوام کیلئے کچھ نہیں کرتے‘حکمرانوں کو قومی سلامتی کی نہیں پانامہ کیس کی فکر ہے‘عوام حکمرانوں سے خیر کی امید مت رکھے‘ حکمرانوں اشتہاروں کے علاوہ کہیں ترقی نظر نہیں آ رہی۔ اگر ملک میں ترقی ہو رہی ہے تو ملز اور کارخانے کیوں بند ہو رہے ہیں۔ غربت میں اضافہ کیوں ہو رہا ہے ‘ مزدور کیوں بھوکے مر رہے ہیں اور عوام آپ سے کیوں نجات حاصل کرنا چاہتی ہے۔ ملک کو آگے لے جانے کیلئے نوجوانوں کو بھرپور کردار ادا کرنا ہو گا اور سیاست کو گالی اور گولی کے کلچر سے پاک کرنا ہو گا، خادم اعلیٰ بتائیں بابر بٹ کے خاندان کو کب انصاف ملے گا۔ وہ منگل کو پیپلز پارٹی کے بانی چیئرمین ذوالفقار علی بھٹو کی 38 ویں برسی کی تقریب سے خطاب کر رہے تھے۔ انہوں نے کہا کہ آج 4 اپریل کا دن پاکستان کی تاریخ کا سیاہ ترین دن ہے آج کے دن جمہوریت کے بانی کو پھانسی دیدی گئی۔ اج کے دن عوامی حاکمیت کا تصور دینے والے کو پھانسی دیدی گئی ۔ پاکستان کے مزدوروں اور طالب علموں کے رہنما کو پھانسی دیدی گئی۔ بلاول بھٹو زرداری نے کہا کہ آج پوری قوم 38 سال گزرنے کے بعد بھی اشک بار ہے۔ ہر زبان پر ایک ہی سوال ہے کہ بھٹو کا عدالتی قتل کیوں کیا گیا۔بھٹو کا قصور یہ تھا کہ انہوں نے عوام کو طاقت ور بنانے کی کوشش کی ‘ پاکستان کو آزاد خارجہ پالیسی دی ‘ ملک کو سامراج کی غلامی سے آزادی دی اور ملک کو ایٹمی قوت بنایا۔ آج تک بھٹو اور اس کی آل کو انصاف نہ مل سکا۔ چیئرمین پیپلز پارٹی نے کہا کہ بھٹو خاندان کو قربانی دینا ورثہ میں ملا ہے۔ لوگوں کو معلوم ہونا چاہیے کہ بھٹو ایک نظرئیے اور جدوجہد کانام ہے۔ 40 سال قبل سامراج نے ایک سازش کی اور ہمارے اوپر ایک ظالم حکمران مسلط کیا گیا۔ جس نے ملک کو تاریکی کی طرف دھکیل دیا۔ اس نے ملک میں انتہاءپسندی اور دہشت گردی کا ایسا بیج بویا جس کو ہم آج بھی بھگت رہے ہیں۔ انہوں نے کہاکہ ہماری جنگ سیاسی اور اقتدار کی نہیں بلکہ نظریہ کی جنگ ہے جو کل بھی جاری تھی اور آج بھی جاری ہے۔ یہ حکمران عوام کے ووٹوں سے نہیں بلکہ دھونس دھاندلی سے اقتدار میں آتے ہیں ان کی کوئی معاشی اور خارجہ پالیسی نہیں ہے۔ بلاول بھٹو زرداری نے کہا کہ دہشت گردی کے معاملے پر ملک وہیں کھڑا ہے جہاں پہلے تھا۔ آج بھی ملٹری کورٹس بنائی گئیں کیونکہ حکمرانوں نے نیشنل ایکشن پلان پر عملدرآمد نہیں کیا۔ میرا پارلیمانی کمیٹی کا مطالبہ اب مانا گیا ہے۔ ان کو حکومت کرنی نہیںآتی یہ ملک کو تنہائی کی طرف لے کر جا رہے ہیں۔ یہ اپنی کرپشن کی کمائی بچانے کے چکر میں عوام کیلئے کچھ نہیں کرتے۔ انہوں نے کہا کہ حکمرانوں کو قومی سلامتی کی نہیں بلکہ پانامہ کیس کی فکر ہے۔ عوام حکمرانوں سے خیر کی امید مت رکھے۔ حکمرانوں سے پوچھتا ہوں بتائیں کہ یہ ترقی ہو رہی ہے اشتہاروں کے علاوہ کہیں ترقی نظر نہیں آ رہی ‘ اربوں روپے کے اشتہارات اڑ ا کو عوام کو دھوکہ دے رہے ہیں۔ میاں صاحب آپ اپنے آپ کو دھوکہ دے سکتے ہیں مگر عوام کو نہیں۔ بیرونی قرضے بڑھ رہے ہیں اور آئی ایم ایف سے بھی نجات نہیں مل رہی۔ ملک میں بجلی ہے نہ پانی اگر ملک میں ترقی یہی ہے تو منافع بخش ادارے کیوں بیچے جا رہے ہیں۔ بلاول بھٹو زرداری نے کہا کہ اگر ملک میں ترقی ہو رہی ہے تو ملز اور کارخانے کیوں بند ہو رہے ہیں ‘ غربت میں اضافہ کیوں ہو رہا ہے ‘ مزدور کیوں بھوکے مر رہے ہیں اور عوام آپ سے کیوں نجات حاصل کرنا چاہتی ہے ۔ انہوں نے کہاکہ عوام آپ کی دھونس ا ور دھاندلی سے نجات حاصل کرنا چاہتی ہے۔ پنجاب میں ہمارے کارکن بابر بٹ کو گھر میں گھس کر قتل کر دیا گیا۔ شہباز شریف بتائیں کہ اس کے خاندان کو کب انصاف ملے گا۔ انہوں نے کہاکہ پچھلے دنوں اپنے لشکر کے ساتھ میاں صاحب سندھ فتح کرنے آئے تھے مگر بتا دوں میاں صاحب سندھ کے لوگ آپ کو اچھی طرح جانتے ہیں اور جھوٹے وعدوں کی حقیقت بھی جانتے ہیں ۔ آپ نے ایک سال پہلے مٹھی میں تھر کیلئے 2 ارب روپے کا اعلان کیا تھا کیا ہوا اس اعلان کا۔ آپ صرف عوام سے جھوٹے وعدے کرتے ہیں ۔ چیئرمین پی پی پی نے کہا کہ میاں صاحب آپ وفاق کو کمز ور کر نے کا خطرناک کھیل کھیل رہے ہیں۔ صرف چند سیٹیں جیتنے کیلئے چھوٹے صوبوں کے جائز حقوق پر ڈاکہ ڈال رہے ہیں۔ چند مخصوص علاقوں کیلئے 37 ارب روپے کے گیس منصوبے منظور کر کے کیا ثابت کرنا چاہتے ہیں۔ 4 سال گزرنے کے بعد بھی عمر کوٹ جیسے تاریخی شہر کو گیس نہیں دی گئی اور دوسری طرف اپنے حواریوں میں گیس بانٹ رہے ہیں۔ لوگوں کو سیاسی رشوت دینا بند کر دو۔ ہم وفاق کو کمز ور نہیں ہونے دیں گے۔ بلاول بھٹو زرداری نے کہا کہ آئندہ سال الیکشن کا ہے اور ہم نے اس کی تیاری شروع کر دی ہے۔ ہم ایک مکمل عوامی اور فلاحی منشور لائیں گے۔ یہ منشور ہر طبقے ‘ نوجوانوں اور خواتین کیلئے فلاحی منشور ہو گا۔ کسانوں کو بھی ان کی پوری اجرت ملے گی۔ ہم کسانوں کو خوشحال دیکھنا چاہتے ہیں۔ انہوں نے کہاکہ میں نوجوان ہوں اور نوجوانوں کے مسائل اچھی طرح سمجھتا ہوں اس ملک کو آگے لے جانے کیلئے نوجوانوں کو بھرپور کردار ادا کرنا ہو گا اور سیاست کو گالی اور گولی کے کلچر سے پاک کرنا ہو گا۔