کراچی (وحید جمال) کل بھوشن یادیو کے بارے میں لیاری گینگ وار کے سرغنہ عزیر جان بلوچ نے اپنی گرفتاری کے بعد جو معلومات فراہم کیں ان کی روشنی میں یہ بھارتی جاسوس گرفتار ہوا عزیر جان بلوچ نے بلوچستان میں بھارتی خفیہ ایجنسی ”را“کے نیٹ ورک اور پاکستانی سرحد کے قریب ایرانی علاقے میں اسی ایجنسی کے بیس کیمپ سے متعلق اہم انکشافات کئے جہاںبھارتی جاسوس کلوبھوشن یادو کی گرفتاری میں اہم کردار ادا کیا وہیں بلوچستان اور ایران کے درمیان دہشتگردوں کے نیٹ ورک اور کئی مراکز میں میں ان کی تربیت کے بارے میں بڑی معلومات فراہم کیں کلبھوشن یادو کا مشن پاکستان کیخلاف صرف جاسوسی کرنا نہیں تھا بلکہ وہ پاکستان میں دہشتگردی پھیلاکر ملک کو عدم استحکام سے دو چار کرنے کیلئے سرگرم تھا وزیر اعظم نواز اور آرمی چیف جنرل قمر زمان باجوہ کا یہ عزم خوش آئند ہے کہ ملکی سلامتی پر کوئی سمجھوتہ نہیں کیاجائے گا اور ملکی وغیر ملکی پاکستان دشمن عناصر کے ساتھ کوئی نرمی نہیں بر تی جائےگی پیپلزپارٹی عزیر جان بلوچ کے اقبالی بیان میں میں کئے گئے انکشافات سخت ذہنی دباﺅ اور بوکھلاہٹ کا شکار ہے سیاسی قیادت عزیر جان بلوچ کیلئے اپنی مصلحتوں کے تحت شاید نرم گوشہ رکھتی ہولیکن عسکری قیادت نے ملک کو تمام سیاسی و غیر سیاسی ملکی و غیر ملکی دہشتگردوں کیخلاف بلا امتیاز کارروائی کرنے میں تیزی کا جو سلسلہ شروع کیا ہے اس میں ملک دشمن اور جرائم پیشہ عناصر ضرور گرفت میں آئیں گے کراچی آپریشن کے دوران لیاری گینگ وار میں ملوث بہت سے افراد ایران عمان دبئی اور جنوبی افریقہ فرار ہوگئے تھے عزیر جان بلوچ کے اقبالی بیانات میں انکشافات کئے گئے ناموں کی بھی حساس اداروں نے تلاش شروع کردی ہے ایف آئی اے کاوئنٹر ازم ونگ کو عزیر جان بلوچ کے ساتھیوں کے سفر کا ریکارڈ حاصل کرنے کی ہدایت کی گئی ہے تحقیقاتی اداروں نے لیاری اور شہر کے دیگر بلوچ اکثریتی علاقوں میں ایسے دہشتگردوں کی تلاش شروع کردی ہے جو کئی برس تک شہر میں حالات خراب کرنے اور قتل و غارت کا بازار گرم کرنے کے علاوہ جاسوسی کے نیٹ ورک کا حصہ بنے رہے بی ایل اے کے ان کیمپوں میں آنے والوں کو فنڈز اور عسکری تربیت بھارتی خفیہ ادارے کی طرف سے فراہم کی جاتی رہی سکیورٹی فورسز نے آپریشن ”رد الفساد “میں اہم کامیابی حاصل کرتے ہوئے بلوچستان اور کراچی میں بھارتی و افغانی خفیہ ایجنسیوں کا نیٹ ورک چلانے والے پانچ دہشتگرد گرفتار کرکے ان سے بھاری اسلحہ و بارود برآمد کرلیا بھارتی اور افغان ایجنسیوں کا نیٹ ورک پکڑا جانا اس امر کا ثبوت ہے کہ دونوں ممالک ہمسایہ ملک پاکستان میں دہشتگردی کرکے اس کا امن تباہ کرنے مذموم کارروائیوں میں مصروف ہیں پاکستان میں رونما ہونے والے دہشتگردی کے متعدد واقعات کے تانے بانے افغانستان میں چھپے ہوئے انتہا پسندوں سے ملتے رہے ہیں بھارتی خفیہ ایجنسی ”را“کے فاٹابلوچستان خیبر پختونخواہ اور کراچی میں امن وامان تباہ کرنے کی کارروائیوں میں ملوث ہونے کے شواہد تو اقوام متحدہ اور امریکہ کے حوالے کئے گئے لیکن کوئی مثبت ردم عمل سامنے نہیں آیا ضروری ہے کہ پکڑے گئے دہشتگردوں سے جامع تحقیقات کی جائے جو پاکستان اور اس پورے خطے کا امن تباہ کرنے کے درپے ہیں۔

اسلام آباد (مانیٹرنگ ڈیسک) امریکہ نے افغانستان میں 10 ٹن وزنی بم گرایا ہے جبکہ روس کے پاس 45 ٹن وزنی بم موجود ہے۔ امریکیوں کو یہ بم استعمال کرنے کی اس لئے ضرورت پیش آئی کہ وہ داعش اور طالبان سے رات کے اندھیرے میں لڑائی نہیں کر سکتے۔ کوریا اور امریکہ کی جنگ لفظی دکھائی دیتی ہے کیونکہ کوریا کے پیچھے نہ تو روس کھڑا ہے نہ چین۔ پاکستان اور بھارت کی ایٹمی ٹیکنالوجی میں کوئی موازنہ نہیں۔ بھارت اپنی دھمکیوں اور نعروں کے مطابق 10 فیصد بھی پرفارم کر کے نہیں دکھا پایا۔ پاکستانی سائنسدان ڈاکٹر ثمر مبارک مند نے چینل ۵ کے پروگرام ”نیوز ایٹ 8“ میں گفتگو کرتے ہوئے مزید کہا ہے کہ امریکہ نے افغانستان میں جو بڑا بم استعمال کیا ہے وہ نیوکلیئر بم نہیں تھا۔ اس کا وزن تقریباً 10ٹن کے قریب بنتا ہے۔ امریکہ نے یہ بم اس وقت اس لئے استعمال کیا ہے کہ وہ افغانستان میں داعش کے بڑھتے ہوئے اثر و رسوخ اور طالبانائزیشن کو روکنا چاہتے ہیں۔ امریکیوں کے خیال میں وہ رات کے وقت غاروں سے نکلتے ہیں اور ان سے میدان میں مقابلہ ممکن نہیں۔ یہ بم زمین سے خاص فاصلے پر پھٹ جاتا ہے۔ دنیا کا سب سے بڑا بم روس کے پاس ہے۔ اس کا وزن 45 ٹن ہے۔ اس امریکی بم سے ریڈی ایشن خارج ہوتی ہیں لیکن یہ ممکن نہیں کہ وہ غار میں چھپے ہوئے افراد کو ٹارگٹ کر سکے۔ اس بم کا اثر تقریباً 6 کلومیٹر تک جاتا ہے۔ اس قسم کے بمبوں سے پاکستان کو کوئی اثر نہیں ہوگا۔ امریکہ ایسے بم کو پاکستان میں استعمال نہیں کرسکتا۔ وہ جانتا ہے کہ ہم ایک نیوکلیئر اسٹیٹ ہیں اس قسم کے بم کو (سی130)جیسے جہازوں سے اس وقت گرایا جاتا ہے جب یقین ہو کہ نیچے سے کوئی جہاز کو نقصان نہیں پہنچائے گا۔ ساﺅتھ کوریا کھلے عام امریکیوں کو دھمکیاں دے رہا ہے کہ ہم اس پر ایٹم بم گرائیں گے۔ امریکہ کافی حد تک اس سے خوفزدہ ہے۔ کوریا نے بہت بڑی تعداد میں میزائلوں کا تجربہ بھی کر رکھا ہے۔ کوریا اور امریکہ کی لفظی جنگ نظر آتی ہے۔ کیونکہ کوریا کے پیچھے نہ تو روس کھڑا ہے اور نہ ہی چین۔ بھارت پاکستان کے خلاف جو بھی بات کرتا ہے آج تک وہ اپنی دھمکیوں کا 10فیصد بھی شو نہیں کر سکا۔ کسی نے اس کے میزائل درست لگتے نہیں دیکھے۔ کسی بھی ملک یا گواہ کے پاس ایسے شواہد موجود نہیں کہ اس کا ”اگنی“ میزائل درست ٹارگٹ پر لگا ہو۔ دنیا بھی بھارت کے ایٹمی پروگرام کو اتنا سنجیدہ نہیں لیتی۔ تمام بڑے ممالک پاکستان کی ٹیکنالوجی سے بھارت کی ٹیکنالوجی کا موازنہ کرتے ہی نہیں۔ ان کے خیال میں پاکستان کی ٹیکنالوجی بہت بہتر اور قابل ہے جبکہ بھارت ابھی تک کوئی بھی ایسے ثبوت دینے میں ناکام رہا ہے جس کے ذریعے اس نے اپنی ٹیکنالوجی ٹیسٹ کر کے دکھائی ہو۔

اسلاآباد(این این آئی)آل پاکستان مسلم لیگ کے سربراہ اور سابق صدر جنرل ریٹائرڈ پرویز مشرف نے کہاہے کہ بھارت کلبھوشن کے معاملے پر اپنے عوام سے جھوٹ بولنا بند کرے ،کارگل میں شکست کو نئی دہلی یاد رکھے۔بھارتی چینل کو انٹرویو دیتے ہوئے پرویز مشرف نے کہا کہ بھارتی جاسوس کلبھوشن جادیو اور کرنل حبیب ظاہر(ریٹائرڈ) کا معاملہ الگ الگ ہے۔ کلبھوشن نے بلوچستان اور کراچی میں دہشت گردی کی درجنوں کارروائیوں کا اعتراف کیا ہے جبکہ حبیب ظاہر اپنے کسی کام کے سلسلے میں نیپال گئے،دونوں چیزوں میں بہت فرق ہے۔انہوں نے کہا کہ بھارتی حکومت ہر معاملے میں اپنے عوام سے جھوٹ بولتی ہے ،بھارت جھوٹ بولنا بند کرے، اسی رویئے کی وجہ سے دونوں ملکوں کے عوام میں دوری پیدا ہورہی ہے۔سابق صدر نے کہاکہ بھارتی رویہ دھمکی آمیز ہے،بھارت کو کارگل جنگ کو یاد رکھنا چاہیے، کسی بھی قسم کی جارحیت نامناسب اقدام ہوگا، پاک فوج اپنے ملک کا دفاع کرنا خوب جانتی ہے۔پرویز مشرف نے کہا کہ پاکستان اور بھارت دونوں جوہری طاقتیں ہیں، اس لئے بھارت جنگ کی باتیں نہ کرے۔