اسلام آباد، لاہور( نمائندگان خبریں) وزیرمملکت برائے اطلاعات مریم اورنگزیب نے کہا ہے کہ ہمیں سپریم کورٹ پر مکمل اعتماد ہے، حسین نواز جے آئی ٹی کے سامنے پیش ہونگے،2 ممبران پر ہمارے تحفظات ہیں، طارق شفیع کے ساتھ سخت رویہ اختیار کیا گیا، تمام کارروائی ریکارڈ ہورہی ہے، مریم اورنگزیب ن کہا کہ جے آئی ٹی کے2 ارکان کی مخالفین کے ساتھ رشتہ داریاں ہیں، ممکن ہے کہ یہ ساری تفصیلات سپریم کورٹ کی نظر سے نہ گزری ہوں، حسین نواز نےجن دوارکان بارے تحفظات کا اظہار کیا انمیں بلال رسول کا تعلق تحریک انصاف سے ہے ان کی اہلیہ کا تعلق ق لیگ سے ہے عامر عزیز مشرف دور میں ڈی جی نیب احمد عزیز کے منظور نظر تھے، وزیر اعظم کیخلاف کیس مرتب کرنے والوں میں بھی شامل تھے، جے آئی ٹی ممبران کے حوالے سے ہماری پارٹی کو کچھ تحفظات تھے، وہ عدالت میں جمع کروا دیئے ہیں، عمران خان اینڈ کمپنی سب سے زیادہ سیاست میں گند ڈال رہی ہے، اگر ہر معاملہ عدالت میں اور سڑکوں پر لے کرچلے جائیں گے تو ووٹر سب کو ہی کرپٹ سمجھے گا، وفاقی وزیر ریلوے خواجہ سعد رفیق نے نجی ٹی وی کے پروگرام میں گفتگو کرتے ہوئے مزید کہا ہے کہ جے آئی ٹی کے ممبران کے حوالے سے ہماری پارٹی کو تحفظات رکھتی ہے، ہم سمجھتے ہیں کہ تفتیش کاطریقہ” پروفیشنل“ ہونا چاہئے اور کسی کی طرف جھکاو¿ نہیں ہونا چاہئے، ہمارے مخالفین جب کسی طرح کامیاب نہیں ہوسکے تو اب عدالت پر پریشر ڈال کر ہمیں گرانے کی کوشش کررہے ہیں، ایک سوال کے جواب میں انہوں نے کہاہے کہ پاکستان نے جب ایٹمی دھماکہ کیا تو طے تھا کہ اس کی قیمت ادا کرنی پڑے گی، اب جب کہ چین کے ساتھ ملکر ہم ترقی کی منزل کے قریب پہنچنے والے ہیں تو دشمنوں کو یہ برداشت نہیں ہورہا، مسلم لیگ (ن) کے مصدق ملک نے نجی ٹی وی کے پروگرام میں گفتگو کرتے ہوئے مزیدکہا ہے کہ جے آئی ٹی کے ارکان پر اعتراض کرنا کسی بھی پارٹی کا حق ہوتا ہے، اپوزیشن والے بھی اعزازات کرتے رہتے ہیں، ہم عدالت کے فیصلوں پر عملدرآمد کریں گے۔وزیراعظم پاکستان اپنی تین نسلوںکاحساب دینے کیلئے تیار ہیں، عمران خان اپنا اپنی بیوی کا حساب دینے سے بھاگ رہے ہیں۔ مسلم لیگ (ن) کے رہنما حنیف عباسی نے کہا ہے کہ تحریک انصاف عدالت میں غیرملکی فنڈنگ کا جواب دینے سے بھاگ رہی ہے۔ سپریم کورٹ میں عمران خان کے خلاف مقدمے کی سماعت کے بعد میڈیا سے گفتگو کرتے ہوئے حنیف عباسی کا کہنا تھا کہ غیرملکی فنڈز کے حوالے سے مقدمے میں تمام چیزیں واضح ہو چکی ہیں۔ ہم غیرملکیوں سے پیسے لینے کی بات کرتے ہیں لیکن تحریک انصاف والے بار بار بیرون ملک مقیم پاکستانیوں کی بات کرتے ہیں۔ ہم کہتے ہیں کہ آپ نے اسرائیل کے یہودیوں اور ہندوستان کے ہندو¶ں سے پیسہ کیوں لیا۔ اس کا جواب نہیں دیا جا رہا۔ دانیال عزیز نے پی ٹی آئی کو سند یافتہ چوروں کی جماعت قرار دے دیا، ان کا کہنا تھا کہ قوم سے پی ٹی آئی کااصل چہرہ سامنے لانے کاوعدہ کیا تھا، عمران خان کو پکڑ کر عدالت لائیں گے۔ طلال چوہدری نے کہاہے کہ وزیراعظم نے اسکول فیسوں سے لیکر گاڑیوں اور ملوں تک کاحساب دیا،عمران خان سے منی ٹریل مانگی توجھوٹ کی ٹریل جمع کرادی گئی۔
