نواز شریف صادق ، امین اور معصوم ، اہم شخصیت کے بیان نے نیا پنڈورا باکس کھول دیا

لاہور (مانیٹرنگ ڈیسک، ایجنسیاں) سابق وزیراعظم میاں نواز شریف کی صاحبزادی مریم نواز نے این اے 120 کی انتخابی مہم کی با ضابطہ نگرانی شروع کر دی۔ ماڈل ٹاو¿ن میں مریم نواز نے این اے 120 کی حکمت عملی کے حوالے سے اجلاس کی صدارت کی۔ جس میں پی پی 140 کے بلدیاتی نمائندے شریک ہوئے۔ مریم نواز نے کارکنوں سے خطاب کرتے ہوئے کہا نواز شریف کو چوتھی بار بھی آپ نے وزیراعظم بنوانا ہے۔ انہوں نے کہا مسلم لیگ ن پہلے بھی منظم تھی اور اب بھی منظم ہے، ایک ایک یو سی کے چئیرمین اور نمائندے سے ملوں گی، تمام یوسیز کے مسائل حل کئے جائیں گے۔ اجلاس میں کلثوم نواز کی صحت یابی کے لئے دعا کی گئی۔ مریم نواز شریف کا کہنا ہے کہ نوازشریف صادق اور امین اور معصوم ہیں جن لوگوں کو نوازشریف نے محبت دی انہوں نے ہی ان کو دھوکا دیا۔ مریم نواز کا کہنا تھا کہ نوازشریف صادق امین اور معصوم ہیں نوازشریف نے جس کو محبت دی اس نے ان کو دھوکا دیا ان کا مزید کہنا تھا کہ پانامہ پر شور ہوا تھا اور فیصلہ کسی اور پر ہوا۔ نواز شریف کو اپنے بیٹے کی کمپنی سے تنخواہ نہ لینے پر نااہل کیا گیا۔ مریم نواز شریف کا کہنا تھا کہ نوازشریف کے خلاف سازشوں کرنے والے کو اللہ تعالی دیکھ رہا ہے ان کا کہنا تھا کہ کارکنان کا جذبہ دیکھ کر انہیں خوشی ہوئی جلد ہی وہ این اے کی انتخابی مہم کے حوالے سے حلقے میں نظر آئی گی۔ انہوں نے کارکنان سے اپنی والدہ کے لیے دعاﺅں کی اپیل بھی کی ہے۔ سابق وزیر اعظم محمد نواز شریف کی صاحبزادی مریم نواز نے کہا ہے کہ مسلم لیگ (ن) پہلے بھی منظم تھی اور اب بھی منظم ہے ،نواز شریف عوامی لیڈر ہیں انہیں کروڑوں عوام کے دلوں سے نہیں نکالا جاسکتا،حلقہ این اے 120 کا الیکشن پارٹی کے ہر کارکن کی جیت کا الیکشن ہے جسے ہر صورت کامیاب کرنا ہے ، نواز شریف کو چوتھی بار بھی آپ نے وزیراعظم بنوانا ہے۔تفصیلات کے مطابق مریم نواز نے حلقہ این اے 120کے ضمنی انتخاب میں مسلم لیگ (ن) کی امیدوار اور اپنی والدہ کلثوم نواز کی انتخابی مہم کی باقاعدہ نگرانی شروع کر دی ۔ مریم نواز گزشتہ روز وہ جاتی امراءرائیونڈ سے ماڈل ٹاﺅن پہنچیں اور این اے 120کے ضمنی انتخاب کے حالے سے اجلاس کی صدارت کی ۔اجلاس میں سینیٹر پرویز رشید ، وفاقی وزیر تجارت و مسلم لیگ (ن) لاہور کے صدر پرویز ملک ، صوبائی وزیر خوراک بلال یاسین ، وزیر اعلیٰ پنجاب کے مشیر خواجہ احمد حسان ، شائستہ پرویز ملک ، ماجد ظہور ،وحید گل ،میئر لاہور کرنل (ر) مبشر جاوید ، فیصل سیف کھوکھر سمیت پی پی 140کے بلدیاتی نمائندوں مقامی رہنماﺅںنے شرکت کی ۔ اس موقع پر ذیلی حلقے کے رہنماﺅں اور بلدیاتی نمائندوں نے مریم نواز کو مسائل اور تحفظات سے بھی آگاہ کیا جس پر مریم نواز نے انہیں تمام مسائل اور تحفظات ختم کرنے کی یقین دہانی کرائی۔اجلاس میں این اے 120کی انتخابی مہم کے حوالے سے حکمت عملی طے کی گئی اور اس حوالے سے بلدیاتی نمائندوں کو ٹاسک سونپے گئے۔