لاہور(ویب ڈیسک ) مسلم لیگ ن کے قائد محمد نواشریف کی صاحبزادی مریم نوازنے کہا ہے کہ لندن جانے کاابھی کوئی ارادہ نہیں، گھرگھرجا کربھرپور الیکشن مہم چلاﺅں گی، کارکن اپنے مسائل لکھ کردیں حل کیے جائیں گے۔ وہ آج مسلم لیگ ن کے مرکزی سیکرٹریٹ ماڈل ٹاﺅن میں این اے 120میں انتخابی مہم کے حوالے سے اجلاس کی صدارت کررہی تھیں۔ اجلاس میں سینیٹرپرویز رشید، وفاقی وزیر پرویز ملک، خواجہ احمد حسان، مجتبیٰ شجاع الرحمن، شائستہ پرویز ملک اور صوبائی وزیر بلال یاسین سمیت پی پی 139کے بلدیاتی نمائندوں نے بھی شرکت کی۔اجلاس سے خطاب کرتے ہوئے مریم نوازنے کہا کہ این اے 120کیلئے گھرگھرجا کرمہم چلائی جائے گی۔ حلقے کے کارکن اپنے مسائل لکھ کردیں حل کیے جائیں گے۔انہوں نے واضح کیاکہ لندن جانے کاابھی کوئی ارادہ نہیں ہے۔این اے 120کی خودالیکشن مہم چلاﺅں گی۔
