لاہور (خصوصی رپورٹ) برما کی فوج کے ظلم کا شکار ایک مسلم خاتون نے بتایا کہ برمی فوج نے میرا خاوند اور سات بچے ہلاک کردیئے ہیں۔ بنگلہ دیش کے پانیوں میں کشتی پر سوار اپنی آؒخری زندہ بچ جانے والی بیٹی کو مضبوطی سے تھامے ہوئے نور عائشہ نے بتایا کہ وہ پیچھے ایک جلا ہوا گھر‘ بے دردی سے قبل کیا گیا۔ خاوند موت کے گھاٹ اتارے گئے۔ چھ بچے اور اسے زیادتی کا شکار بنانے والے فوجی چھوڑ کر آئی ہے۔ برطانوی اخبار گارڈین سے گفتگو کرتے ہوئے چالیس سالہ مظلوم عورت نے بتایا کہ اس کے گھر 20 فوجیوں نے حملہ کیا اور ہم سب کو صحن میں آنے کا حکم دیا۔ ظالم فوجیوں نے میرے پانچ بیٹوں کو ایک کمرے میں بند کردیا اور اس کمرے میں بم پھینک کر آگ لگا دی اور وہ پانچوں زندہ زندہ جل گئے۔ اس کے بعد فوجیوں نے میری دو بیٹیوں کو زیادتی کا نشانہ بنانے کے بعد قتل کردیا۔ آخر میں انہوں نے میرے خاوند کو بھی قتل کردیا۔ عائشہ نے بتایا کہ اس کی صرف ایک پانچ سالہ بیٹی دلنواز بیگم زندہ بچی جو فوجیوں کے آنے پر ہمسایوں کے گھر چھپ گئی تھی۔ ایک دوسری 32 سالہ عورت سعیدہ خاتون نے بتایا کہ وہ پانچ ماہ کی حاملہ ہے اور گاﺅں پر حملہ کرنے والے فوجی مجھے گن پوائنٹ پر ایک میدان میں لے گئے جہاں انہوں نے تقریباً 30 خواتین کو اکٹھا کیا ہوا تھا۔ فوجیوں نے خوش شکل 15 لڑکیوں کو الگ کیااور نامعلوم جگہ پر لے گئے جبکہ باقی 15 خواتین کو اسی صحن میں زیادتی کا نشانہ بناگیا۔ تیسری عورت نور حسین نے گارڈین کو بتایا برما کے فوجیوں نے بدھوں کے ساتھ ان کے گاﺅں پر حملہ کیا اور 100 سے زائد خواتی کو زیادہ کا نشانہ بنایا گیا جس کے بعد 25 خواتین کو قتل کردیا گیا جبکہ 850 گھر اور 40 مرد زندہ جلا دیئے گئے۔ نور نے بتایا کہ لوگوں کو گولیاں مار کر قتل کرنے‘ زندہ جلانے کے ساتھ ساتھ چھریوں سے ان کے گلے کاٹ کر بھی قتل کیا گیا۔ 27 سالہ سلطان احمد نے بتایا کہ بعض لوگوں کے سر قلم کردیئے گئے اور انہیں بے دردی سے کاٹا گیا اور میں اپنے گھر میں چھپا تھا۔
