لاہور (اپنے سٹاف رپورٹر سے) پاکستان مسلم لیگ (ن) کی رہنماءمریم نواز نے کہا ہے کہ ہمارا مستقبل روشن ہے،روک سکتے ہو تو روک لو، جومہرے ہیں ان کا نام لینے کی ضرورت نہیں وہ پوری قوم کے سامنے ہیں، وہ مسلم لیگ (ن) کا مقابلہ سیاسی اور انتخابی میدان میں نہیں کر سکتے، کبھی وہ سازشوں کے پیچھے چھپتے ہیں، کبھی عدلیہ کے پیچھے چھپتے ہیں، ہم ڈرنے والے نہیں نہ کسی کی تنقید سے گھبراتے ہیں، پوری دنیا نے تماشا دیکھا کہ ڈیڑھ سال پانامہ پر کیس چلتا رہا اور اختتام اقامہ پر ہوا۔ سابق وزیراعظم میاں محمد نواز شریف کی صاحبزادی مریم نواز نے کہا کہ مجھے اپنے والد کے ساتھ کام کرنا ہوتا ہے اور پارٹی کےلئے کام کرنا ہوتا ہے، والدہ کی بیماری کی تشخیص ہو گئی تو ان کو جانا پڑا، الیکشن مہم کی ذمہ داری میرے کندھوں پر آ گئی ہے۔ انہوں نے کہا کہ ہم ڈرنے والے نہیں اور نہ کی کسی کی تنقید سے گھبراتے ہیں، جومہرے ہیں ان کے نام لینے کی مجھے ضرورت نہیں وہ تو پوری قوم کے سامنے ہیں، کیونکہ وہ مسلم لیگ (ن) اور نواز شریف کا مقابلہ سیاسی اور انتخابی میدان میں نہیں کر سکتے، تو کبھی وہ سازشوں کے پیچھے چھپتے ہیں اور کبھی وہ عدلیہ کے پیچھے چھپتے ہیں ، کبھی وہ الیکشن کمیشن کے پیچھے چھپتے ہیں، باقی سب باتیں وقت کھولتا ضرور ہے، یہ کہانیاں وقت سناتا ہے، میاں صاحب نے جو بات کہی ہے اس کا جواب میاں صاحب خود دیں گے، نواز شریف جلد ہی واپس آئیں گے ۔ مریم نواز نے کہا کہ پہلا مقدمہ ہے اپنی نوعیت کا، جس میں مقدمہ بعد میں چل رہا ہے اور سزا پہلے ہو گئی ہے، پہلا مقدمہ ہے جس میں نیب کو ریفرنس بعد میں بھیجے گئے ہیں اور نا اہلی کی سزا پہلے ہو گئی ہے، پوری دنیا نے تماشا دیکھا کہ ڈیڑھ سال پانامہ پرکیس چلتا رہا اور اختتام اقامہ پر ہوا، مقدمہ اس بات پر چلا کہ بڑے بیٹے سے پیسے کیوں لئے اور نااہلی اس بات پر ہو ئی کہ چھوٹے بیٹے سے تنخواہ کیوں نہیں لی، تو یہ ایک مذاق ہے، اچھی اور بری کارکردگی کی طرح حکومت کی طرح عدلیہ کے بھی اچھے اور برے فیصلے تاریخ میں یاد رکھے جائیں گے۔ انہوں نے کہا کہ میں نے کبھی کوئی ایسا فیصلہ نہیں دیکھا جس کو اتنی جلدی پاکستان کی عوام کی اتنی بڑی تعداد نے رد کیا ہو ہمارا مستقبل روشن ہے ،روک سکتے ہو تو روک لو۔
