ابوظہبی(ویب ڈسک) میں کھیلے گئے 5 ایک روزہ میچوں کی سیریز کے تیسرے ون ڈے میں سری لنکا کی پوری ٹیم 49ویں اوورز میں 208 رنز بناکر ا?و¿ٹ ہوگئی جس کے جواب میں پاکستان کی بیٹنگ جاری ہے۔قومی ٹیم کی جانب سے فخر زمان اور ڈیبیو کرنے والے امام الحق نے 75 رنز کا عمدہ آغاز فراہم کیا تاہم فخر زمان 29 رنز کی اننگز کھیل کر پویلین لوٹ گئے جس کے بعد پچھلے دونوں میچز کے سینچری میکر بابراعظم بیٹنگ کے لیے آئے اور امام کے ساتھ ملکر دوسری وکٹ کے لیے 66 رنز کی شراکت قائم کی لیکن وہ 30 رنز بناکر آو¿ٹ ہوگئے۔امام الحق نے قومی ٹیم میں اپنی سلیکشن پر ہونے والے تنقید کا جواب پہلے ہی میچ میں نصف سنچری بناکردیا اور محمد حفیظ کے ساتھ ملکر اسکور بورڈ کو آگے بڑھایا جب کہ 89 رنز پر وہ وکٹ کیپر کو کیچ دے بیٹھے جس پر انہیں شدید مایوسی ہوئی البتہ خوش قسمتی سے کیپر وہ کیچ تھامنے میں ناکام رہے جس پر انہیں ایک اور موقع ملا جس کا بھرپور فائدہ اٹھاتے ہوئے امام الحق ڈیبیو میچ میں سنچری بنانے والوں کی فہرست میں شامل ہوگئے۔ اس سے پہلے قومی ٹیم کے سابق بیٹسمین سلیم الہیٰ کو اپنے ڈیبیو میچ میں سنچری بنانے کا اعزاز حاصل تھا۔ امام الحق نے 2 چھکوں اور 5 چوکوں کی مدد سے 100 رنز بناکر آو¿ٹ ہوئے جب کہ محمد حفیظ 34 رنز پر ناٹ آو¿ٹ رہے۔اس سے قبل سری لنکن کپتان تھرنگا نے ٹاس جیت کر بیٹنگ کا فیصلہ کیا تو سری لنکا کی جانب سے اننگز کا ا?غاز کرنے والے ڈک ویلا اور اپل تھرنگا نے 50 رنز کی اوپننگ پارٹنر شپ قائم کی۔سری لنکا کی پہلی وکٹ 59 کے مجموعی اسکور پر گری جب ڈک ویلا 18 رنز بناکر آو¿ٹ ہوگئے، سری لنکا کے دوسرے آو¿ٹ ہونے والے کھلاڑی چندیمل تھے جو 19 رنز بنا کر 102 کے مجموعی اسکور پر آو¿ٹ ہوئے ، ان کے بعد ا?و¿ٹ ہونے والے کھلاڑی سری لنکن کپتان تھرنگا تھے جو کہ 61 رنز بنا کر ا?و¿ٹ ہوئے،کپوگیدرا 18 رنز بنا کر حسن علی کا شکار ہوگئے۔سری وردانا بھی صرف 2 رنز بنا کر 140 کے مجموعی اسکور پر وکٹ گنوا بیٹھے، جب کہ وندرسے بھی زیادہ دیرتک وکٹ پرنہ ٹہرسکے اور کوئی رنز بنائے بغیر حسن علی کا شکار ہوگئے۔ دیگر کھلاڑیوں میں تھرمانے نے 28 اور پریرا نے 38 قیمتی رنز بنائے تاہم ان کے علاوہ کوئی بھی بلے باز خاطر خواہ کارکردگی نہ دکھا سکا۔پاکستان کی جانب سے حسن علی نے شاندار بالنگ کا مظاہرہ کرتے ہوئے 10 اوورز میں 34 رنز دے کر 5 شکار کیئے جب کہ شاداب خان نے 2 ،محمد حفیظ اور جنید خان نے ایک ایک وکٹ حاصل کی جب کہ ایک کھلاڑی رن آو¿ٹ ہوا۔قومی ٹیم میں 2 تبدیلیاں کی گئی ہیں، اوپننگ بیٹسمین احمد شہزاد کی جگہ امام الحق اور بولر عماد وسیم کی جگہ فہیم اشرف کو شامل کیا گیا جب کہ سری لنکن ٹیم میں بھی 2 تبدیلیاں کی گئی ہیں۔واضح رہے کہ پانچ ایک روزہ میچوں کی سیریز میں پاکستان کو 0-2 کی برتری حاصل ہے تاہم آج کا میچ جیتنے کی صورت میں قومی ٹیم سیریز اپنے نام کرلے گی، پہلے میچ میں پاکستان نے سری لنکا کو 83 جب کہ دوسرے ون ڈے میں 32 رنز سے شکست دی تھی۔
تیسرا ون ڈے ؛ پاکستان کی بیٹنگ کا جلوہ میچ جیت لیا۔۔۔
