بھارتی سورماؤں نے کیویز کا حساب برابر کر دیا

پونے(نیوزایجنسیاں) بھارت نے نیوزی لینڈ کو دوسرے ایک روزہ میچ میں6وکٹوں سے شکست دیتے ہوئے ،تین میچوں کی سیریز 1-1سے برابر کر دی،سیریز کا آخری میچ کانیپور میں 29اکتوبرکو کھیلاجائے گا۔ نیوزی لینڈ کی جانب سے 231رنز کے ہدف میں روہت شرمااور شیکھر دھون نے اننگ کاآغاز کیا تو 22کے مجموعے پر روہت شرما7رنز بناکر پویلن لوٹ گئے ۔ بھارت نے ہدف 6وکٹوں کے نقصان کے عوض46اورز میں پورا کرلیا۔دھون 68رنز،دینش کارتک 64رنزکے ساتھ نمایاں رہنیوزی لینڈ کی جانب سے ٹیم ساﺅتھی،ایڈیم ملینے،مچل سینٹر اور کولن ڈیگراہوم نے ایک ،ایک وکٹ حاصل کی۔اس سے قبل نیوزی لینڈ نے ٹاس جیت کرپہلے کھیلنے کا فیصلہ کیاتو مارٹین گیپٹل اور کولن منرونے اننگ کاآغاز کیا تو 20کے مجموعے پر ہی مارٹین گیپٹل11رنزبناکر بھونیشورکمار کے ہاتھوں اپنی وکٹ گنوا بیٹھے،ان کی دوسری وکٹ کن ولیمسن کی گری انہوں نے 3رنز بنائے۔نیوزی لینڈ نے مقررہ پچاس اورز میں 9وکٹوں کے نقصان پر 230رنز بنائے۔ان کی اننگ میں ہنری نکولس کے 42،ر کولن ڈی گرانڈوہوم کے 41 اور ٹام لیتھم کے 38رنز نمایاں ہیں۔