لندن (خصوصی رپورٹ) برطانیہ میں ایک جوڑے کے 20بچے ہیں جن کی عمریں تین ماہ سے 28سال کے درمیان ہے۔ 42سالہ سو اور اس کے 46سالہ شوہر نیل ریڈفورڈ کا تعلق لنکا شائر سے ہے۔ دونوں کے 11لڑکے اور 9لڑکیاں ہیںاور بیسویں بچے کی پیدائش پر دونوں نے عزم ظاہر کیا کہ یہ ان کا آخری بچہ ہے۔ میاں بیوی اور ان کے بیس بچوں نے گزشتہ روز آئی ٹی وی کے پروگرام میں شرکت کی جس سے پورا سٹوڈیو ان کے خاندان سے بھر گیا۔ پروگرام میں اظہار خیال کرنے والوں نے خاندان کی خوب تعریف کی۔ پروگرام میں درجنوں ناظرین نے ان سے سوالات کئے۔
