اسلام آباد یونائیٹڈ کو بڑا دھچکا،مصباح فائنل سے باہر

لاہور(آئی این پی)فائنل میں پہنچنے والی اسلام آباد یونائیٹڈ کے لئے بڑا دھچکا ، نائب کپتان رومان رئیس اورآل رانڈرآندرے رسل کے بعد کپتان مصباح الحق بھی سپر لیگ سے باہر ہو گئے۔اسلام آباد یونائیٹڈ کی ٹیم فٹنس مسائل کا شکار ہے۔ رومان رئیس اور آندرے رسل کے بعد مصباح الحق بھی ان فٹ ہو کر پی ایس ایل سے باہر ہو چکے ہیں۔ اسلام آباد کے کپتان کا ہاتھ فریکچر ہو گیا جس کی وجہ سے سپر لیگ تھری سے باہر ہو گئے۔ مصباح الحق نے کراچی کنگز کے خلاف کوالیفائر میچ میں بھی حصہ نہیں لیا اور ان کی جگہ جے پی ڈومینی نے قیادت کے فرائض سرانجام دیئے۔یاد رہے کہ ہیمسٹرنگ انجری کے باعث مصباح الحق سپر لیگ تھری کے ابتدائی دو میچ بھی نہیں کھیل پائے تھے۔ یاد رہے کہ اسلام آباد یونائیٹڈ پی ایس ایل کے ابتدائی مرحلے میں چودہ پوائنٹس کے ساتھ سرفہرست رہی تھی۔