مکی ٹیم میں مثبت سوچ کاکلچرفروغ دینے کےلئے پرامید

لاہور(نیوز ایجنسیاں) قومی کرکٹ ٹیم کے ہیڈکوچ مکی آرتھر نے کہا ہے کہ ‘قومی کرکٹ ٹیم قذافی اسٹیڈیم میں لاہور کے گرم موسم میں سخت تربیت میں مصروف ہے، انھیں اس بات پر یقین ہے کہ جب وہ ایک دن ٹیم پاکستان سے علیحدہ ہوں گے تو اس ٹیم میں مثبت سوچ کا کلچر قائم ہو چکا ہوگا’۔ان کا مزید کہنا تھا، ‘مجھے اس ٹیم کے ساتھ کام کرنا اچھا لگتا ہے’۔واقعی اس ٹیم سے انھیں محبت ہے اور جب ایک دن وہ اس ٹیم کو چھوڑ کر جائیں گے تو پوری قوم کو اس ٹیم کی اہلیت پر بلا شبہ فخر ہوگا۔ انہوںنے کہا کہ جو کھلاڑی ایک عرصے سے قومی ٹیم کا حصہ ہیں میں ان سے توقع رکھتا ہوں کہ وہ ہمیں میچز جتوائیں گے اور دوسرے کے لیے مثال قائم کریں بصورت دیگر ہم نوجوان کھلاڑیوں پر سرمایہ کاری کریں گے کیونکہ ہمارے پاس باصلاحیت نوجوان ہیں۔