لاہور (اےن اےن آئی ) پنجاب لان ٹینس ایسوسی ایشن کے زیراہتمام سیکنڈ ایس این جی پی ایل آل پاکستان ٹینس چمپئن شپ 2018ءکے دوسرے روز مختلف کیٹیگریز میں دلچسپ مقابلے ہوئے۔ اس موقع پر پنجاب لان ٹینس ایسوسی ایشن کے سیکرٹری رشید ملک، ایس این جی پی ایل کے سپورٹس آفیسر محمد ہارون، کوچ ہمایوں اور کھلاڑیوں کی بڑی تعداد بھی موجود تھی۔مینز سنگل کے پری کوارٹرفائنلز میں عقیل خان نے وقاص ملک کو 6-3, 6-1، شہزاد خان نے احمد بابر کو 6-3, 6-0، محمد عابد نے عثمان رفیق کو 6-3, 6-1 سے، مدثر مرتضیٰ نے زید مجاہد کو 6-1, 3-6,6-1سے، برکت اللہ نے اسد اللہ کو 6-1, 7-6، یوسف خلیل نے اعجازاحمد کو 7-5, 7-5 سے، ہیرا عاشق نے فرحان اللہ کو 6-3, 6-4 ، محمد شعیب نے عباس خان کو 6-4, 6-3 سے ہرا کر کوارٹرفائنلز کیلئے کوالیفائی کرلیا۔ لیڈیز سنگل کے پہلے راﺅنڈ میں مریم مرزا نے عروبہ کو 6-2, 6-2 سے، زارا سلمان نے عائشہ عاصم کو 6-1, 6-0 سے، ماہا سید نے آنا عامر کو 6-1, 6-1 سے ہرا کر اگلے مرحلے کیلئے کوالیفائی کیا۔ بوائز انڈر 18 کے کواٹرفائنلز میں ثاقب حیات نے افتخار اظہر کو 6-3, 6-2 سے، احمد کامل نے عبداللہ کو 6-3, 6-4، محمد شعیب نے الہلام خان کو 6-3, 6-1 سے ہرا کر سیمی فائنلز کیلئے کوالیفائی کرلیا۔
