لاہور (این این آئی) پنجاب میں نگراں وزیر اعلیٰ کےلئے مسلم لیگ (ن) اور تحریک انصاف ایک ایک نام پر ڈٹ گئے ، دونوں جانب سے ایک دوسرے کو اپنے نام پر قائل کرنے کے لئے کوششیں جاری ہیں ۔ ذرائع کے مطابق پنجاب میں نگراں وزیر اعلیٰ کے لئے پارلیمانی کمیٹی کا اجلاس آج ( بدھ ) پنجاب اسمبلی میں ہو گا ۔ تاہم مسلم لیگ (ن) اور تحریک انصاف اپنے اپنے پیش کردہ ایک ایک نام پر ڈٹ گئے ہیں ۔ تحریک انصاف حسن عسکری کے نام پر قائم ہے جبکہ مسلم لیگ (ن) جسٹس (ر) سائرعلی کے نام پر اصرارکر دی ہے اور ان کی جانب سے تحریک انصاف کو جسٹس (ر) سائرعلی پرراضی کرنے کی کوششیں جاری ہیں ۔
نگران وزیراعلیٰ پنجاب کیلئے پھڈا پڑ گیا
