نواز شریف محض ضمانت کیلئے ہسپتال نہ جانیکا دباﺅ ڈال رہے ہیں :عثمان بزدار

لاہور (خبر نگار) وزیر اعلیٰ پنجاب عثمان بزدارنے اپنے ٹویٹ میں کہا ہے کہ کیا شریف میڈیکل سٹی اور اتفاق ہسپتال بھی ناقص علاج مہیا کرتے ہیں؟ وزیراعظم عمران خان نے ہمیشہ اپنا علاج شوکت خانم سے کروایا اور ان کے والد کا علاج بھی وہیں سے ہوا۔ وزیراعلیٰ نے کہاکہ کیا شریف برادران 30 سال میں ایک ہسپتال بھی نہ بنا سکے جہاں ان کا علاج ہو سکے؟ وزیر اعلیٰ نے ٹویٹ میں کہا کہ شہباز شریف کہتے ہیں کہ اگر نواز شریف کو کچھ ہوا تو حکومت ذمہ دار ہوگی۔ کیا حکومت نے نوازشریف کو من پسند جگہ پرعلاج کی پیشکش نہیں کی؟ کیا نواز شریف کو اپنے بھائی کے بنائے ہسپتال اور اپنے ذاتی دو ہسپتالوں پر بھی اعتبار نہیں؟ وزیر اعلیٰ نے اپنے ٹویٹ میں کہا کہ کیا نواز شریف محض ضمانت کےلئے ہسپتال نہ جانے کا دباو¿ نہیں ڈال رہے؟ وزیر اعلیٰ پنجاب عثمان بزدار نے نیوزی لینڈ میں مساجد میں فائرنگ کے واقعہ میں پاکستانیوں سمیت دیگر افراد کی شہادت پر دکھ اور افسوس کا اظہار کیا ہے۔ وزیر اعلیٰ نے نیوزی لینڈ میں شہید ہونے والے پاکستانیوں کے لواحقین سے دلی ہمدردی اور تعزیت کا اظہار کرتے ہوئے کہا ہے کہ دکھ کی اس گھڑی میں شہداءکے لواحقین کے ساتھ ہیں اور ان کے غم میں برابر کے شریک ہیںاورہماری تمام تر ہمدردیاں شہداءکے خاندانوں کے ساتھ ہیں۔ وزیراعلی پنجاب عثمان بزدار نے بلوچستان کے ضلع نصیر آباد کے علاقے ربی میں ریلوے لائن پر بم دھماکے کی مذمت کی ہے۔ وزیراعلیٰ نے دھماکے کے باعث ٹرین کی بوگیاں الٹنے سے قیمتی انسانی جانوں کے ضیاع پر گہرے دکھ اور افسوس کا اظہار کرتے ہوئے جاں بحق افراد کے لواحقین سے دلی ہمدردی اور تعزیت کا اظہار کیا ہے۔