برمنگھم:(ویب ڈیسک) انٹرنیشنل کرکٹ کونسل(آئی سی سی) کے ورلڈکپ2019 کا 25واں میچ آج ساو¿تھ افریقہ اور نیوزی لینڈ کے درمیان کھیلا جائے گا۔آج کے حریف پاکستانی وقت کے مطابق دن 2:30 پر برمنگھم کے میدان میں مد مقابل ہوں گے جب کہ ٹاس کے لیے سکہ نصف گھنٹہ قبل دو بجے اچھالا جائے گا۔پوائنٹس ٹیبل پر دونوں ٹمیوں کے درمیان فاصلہ بہت زیادہ ہونے کے سبب اس میچ میں نیوزی لینڈ کا پلڑا بھاری نظر ارہا ہے جو سات نمبروں کیساتھ تیسری پوزیشن پر ہے۔ورلڈکپ2019 میں اب تک تیسرے نمبر کی ٹیم نے 4 مقابلوں میں حصہ لیا اور تین میں فتح یاب رہی جب کہ ایک میچ میں بارش کی وجہ سے دونوں حریفوں کو ایک ایک پوائنٹ دیا گیا۔ساو¿تھ افریقہ کی کارکردگی اس ٹورنامنٹ میں اچھی نہیں جا رہی اس نے پانچ میں سے ایک میچ جیتا، ایک برابر رہا اور تین میں مات کھائی ہے۔ جنوبی افریقہ کی ٹیم ٹیبل پر پاکستان سے ایک درجہ اوپر آٹھویں پوزیشن پر ہے۔آج کے میچ میں نیوزی لینڈ کی کپتانی کین سٹورٹ ولیم سن کے ہاتھ ہوگی جب کہ دیگرکھلاڑیوں میں ٹام بلنڈل، ٹرینٹ بولٹ،کالن ڈی گرانڈہوم، لکی فرگیوسن، مارٹن گوپٹیل، میٹ ہنری، ٹام لیتھم، کولن مونرو، جیمز نیشم، ہنری نکولس، مچل سینٹنر، اش سودھی، ٹِم ساو¿تھی اور روز ٹیلر شامل ہیں۔جنوبی افریقہ کی طرف سے فاف ڈوپلیسی کپتانی کریں گے اور دیگر کھلاڑیوں ہاشم آملہ، کوئنٹن ڈی کاک، جے پی ڈومنی، عمران طاہر، ایڈن مرکرام، ڈیوڈ ملر، کرس مورس، لنگی نگیدی، فلکوایو، ڈیوائن پریٹورئیس، کاگیسو رباڈا، تبریز شمسی، اوررسی وینڈر ڈسن شامل ہیں۔
ورلڈکپ2019: نیوزی لینڈ بمقابلہ ساؤتھ افریقہ
