چیسٹرلی اسٹریٹ(ویب ڈیسک)جنوبی افریقہ نے سری لنکا کو 9وکٹوں سے ہرا دیا
کرکٹ ورلڈکپ کے 35ویں میچ میں سری لنکا کے 204 رنز کے جواب میں جنوبی افریقا کی بیٹنگ جاری ہے۔چیسٹر لی اسٹریٹ کے میدان پر کھیلے جارہے میچ میں جنوبی افریقا نے سری لنکا کے خلاف ٹاس جیت کر پہلے بولنگ کا فیصلہ کرتے ہوئے حریف ٹیم کو بیٹنگ کی دعوت دی۔ پروٹیز کی عمدہ بولنگ کی بدولت سری لنکا کی پوری ٹیم 49 عشاریہ 3 اوورز میں صرف 203 رنز پر ڈھیر ہوگئی۔سری لنکا کی جانب سے اننگز کا آغا ز کرونارتھنے اور کوشل پریرا نے کیا تاہم کرونارتھنے اننگز کی پہلی ہی گیند پر آﺅٹ ہوگئے، جب کہ کچھ ہی دیر بعد کوشل پریرا بھی صرف 30 رنز بناکر آﺅٹ ہوگئے۔ ون ڈاﺅن آنے والے اویشکا فرنینڈو بھی زیادہ دیر وکٹ پر کھڑے نہ رہ سکے اور صرف 30 رنز بناکر آﺅٹ ہوگئے جب کہ 100 کے مجموعی اسکور پر انجیلو میتھیوز بھی پویلین لوٹ گئے، 11 رنز کے اضافے سے مینڈس بھی چلتے بنے، ڈی سلوا24، پریرا 21، اڈانا 17 اور ملنگا 4 رنز بنا کر آﺅٹ ہوئے۔میچ کے دوران مکھیوں نے کھلاڑیوں پر حملہ کیا ، مکھیوں سے بچنے کے لیے کھلاڑیوں سمیت امپائر بھی میدان میں لیٹ گئے اور چند لمحوں کے لیے کھیل کو روکنا پڑا۔جنوبی افریقا کی جانب سے کرس مورس اور پریٹوریس نے 3،3 جب کہ رباڈا نے 2، عمران طاہر اور ڈومنی نے ایک ایک وکٹ حاصل کی۔سری لنکا نے ایونٹ میں اب تک 6 میچز کھیلے ہیں جس میں سے 2 میں کامیابی حاصل ہوئی اور 2 میں شکست کا سامنا کرنا پڑا جب کہ 2 میچز بارش کے باعث منسوخ کردیے گئے، سری لنکا کو سیمی فائنل کی دوڑ میں شامل ہونے کے لیے آج کا میچ جیتنا ضروری ہے۔
