بیروزگار مزدوروں کی فہرست تیار‘ گھروں میں کھانا پہنچائینگے:ذیشان نقوی

اسلام آباد (مانیٹرنگ ڈیسک)ڈپٹی مئیر اسلام آباد ذیشان نقوی نے کہا کہ ہم نے اسلام آباد کے قرنطینہ سینٹرز میں کام کرنے والے سٹاف کو مکمل حفاظتی کٹس مہیا کی ہیں ۔پورے اسلام آباد میں سپرے کروایا جا رہا ہے ۔دیہاڑی دار لوگوں کے گھروں میں راشن پہنچانے کا انتظام کیا جا رہا ہے۔اسلام آباد میں لاک ڈاﺅن پر موثر انداز میں عمل درآمد نہیں کیا جارہا ہم نے حکومت سے لاک ڈاﺅن سخت کرنے کی درخواست کی ہے ۔ان خیالات کا اظہار چینل فائیو کے پروگرام فورتھ پلر میں گفتگو کرتے ہوئے کیا ۔ ایک سوال کے جواب میں ذ یشان نقوی نے کہا کہ اسلام آباد میں کرونا وائرس کی صورتحال کے حوالے سے ہمارا سٹاف مسلسل کام کر رہا ہے ۔ہم نے قرنطینہ سینٹر میں کام کرنے والے عملے کو حفاظتی کٹس مہیا کی ہیں ۔پورے اسلام آباد میں سپرے کروایا جا رہا ہے ۔اداروں کے درمیان روابط مضبوط بنانے کی ضرورت ہے ہمیں ایک عالمی وبا کا سامنا ہے اس کے مقابلے کے لیے سب کو مل کر کام کرنا ہو گا ۔ایک سوال کے جواب میں انھوں نے کہا کہ لاک ڈا ﺅن کے باعث دیہا ڑی دار طبقہ شدید مشکلات کا شکار ہے ،ہم ان افراد کی لسٹیں تیار کر رہے ہیں اور ان کو گھروں میں راشن پہنچانے کا انتظام کیا جا رہا ہے ۔ایک سوال کے جواب میں ان کا کہنا تھا کہ اسلام آباد پر لاک ڈاﺅن پر موثر انداز میں عمل درآمد نہیں کیا جا رہا ۔ہم نے حکومت سے درخواست کی ہے کہ اسلام آباد میں لاک ڈا ﺅن سخت کیا جائے ۔ایک سوال کے جواب میں انھوں نے کہا کہ اس بات پر عمل درآمد یقینی بنایا جا رہا ہے کہ پارکس سمیت کسی بھی عوامی مقام پر کوئی اجتماع نہ ہو ،یا کہیں بھی رش کی کیفیت نہ بنے ۔سماجی فاصلوں کے اصولوں پر عمل درآمد کو یقینی بنا رہے ہیں ۔