تازہ تر ین

جوبائیڈن کا ٹرمپ کو اور جھٹکا ‘جارجیا کے 16ووٹ بھی لے اڑے

ٹرمپ کا نتائج کو ماننے سے پھر انکار‘بائیڈن نے انتقالِ اقتدار میں روکاوٹیں کھڑی کرنے کو ”اشتعال انگیز“قرار دیدیا

واشنگٹن(ویب ڈیسک ) امریکہ کے صدارتی انتخابات 2020 میں ڈیموکریٹک پارٹی کے صدارتی امیدوار جو بائیڈن نے روایتی طور پر سرخ ریاست جارجیا میں بھی کامیابی حاصل کرلی ہے جس کے بعد ان کے الیکٹرول ووٹوں کی تعداد306ہوگئی ہے. امریکہ کی 49 ریاستوں کے نتائج آ چکے تھے اور دوہفتوں سے ریاست جارجیا کے نتیجے کا انتظار کیا جا رہا تھا امریکی نشریاتی ادارے کے مطابق آج الیکشن حکام نے جارجیا کے نتیجے کا اعلان کیا جس کے مطابق جو بائیڈن نے صدر ٹرمپ کے مقابلے میں 12 ہزار زیادہ ووٹ حاصل کیے ہیں.

جارجیا میں کامیابی کے بعد جو بائیڈن کے الیکٹرول ووٹوں میں 16 کا اضافہ ہو گیا ہے نومنتخب امریکی صدر جو بائیڈن کے الیکٹرول ووٹوں کی کل تعداد 306 ہو گئی ہے جبکہ ان کے مدِ مقابل صدر ٹرمپ نے 232 الیکٹرول ووٹ حاصل کیے ہیں یاد رہے کہ جارجیا میں ڈیموکریٹک پارٹی نے 25 برس بعد کامیابی حاصل کی ہے آخری مرتبہ 1992 میں ڈیموکریٹک صدارتی امیدوار بل کلنٹن نے اس ریاست میں کامیابی حاصل کی تھی اور 1996 کے بعد سے یہ ریاست ری پبلکن صدارتی امیدواروں کے پاس تھی.دوسری جانب صدر ٹرمپ انتخابات میں مسلسل دھاندلی کے الزامات عائد کر رہے ہیں جارجیا کے انتخابی نتائج پر بھی انہوں نے اپنے ایک ٹوئٹ میں دعویٰ کیا ہے کہ جارجیا کی مختلف کاﺅنٹیز میں ہزاروں ایسے ووٹ ملے ہیں جنہیں گنا نہیں گیا انہوں نے دعویٰ کیا کہ بہت جلد جارجیا کے نتائج ری پبلکن کے حق میں آ جائیں گے. ادھر جوبائیڈن نے صدر ٹرمپ کی جانب سے دھاندلی کے الزامات، انتخابات میں شکست تسلیم نہ کرنے اور انتقالِ اقتدار کے لیے ان سے تعاون نہ کرنے کے عمل کو ”اشتعال انگیز“قرار دیا ہے انہوں نے کہا کہ ڈونلڈ ٹرمپ جانتے ہیں کہ وہ صدارتی انتخاب نہیں جیتے اور وہ اس قابل بھی نہیں کہ انتخابات جیت سکیں انہوں نے کہاکہ وہ 20 جنوری کو صدارت کا حلف اٹھائیں گے جو بائیڈن ان دنوں کورونا وائرس سے نمٹنے کے لیے مشاورتی اجلاس کر رہے ہیں جس میں وہ ماہرین سے تجاویز طلب کر رہے ہیں.

جوبائیڈن کا ٹرمپ کو اور جھٹکا ‘جارجیا کے 16ووٹ بھی لے اڑے

اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain