وزیراعظم عمران خان کا کہنا ہے کہ اوپن ووٹنگ سینیٹ میں ہارس ٹریڈنگ روکنے کا واحد راستہ ہے۔
وزیراعظم عمران خان نے مشیر پارلیمانی امور بابر اعوان سے رابطہ کیا ہے، دونوں میں اسمبلی کے جاری اجلاس، آئینی اور قانونی امور سمیت سینیٹ انتخابات پر مشاورت کی گئی۔
وزیراعظم عمران خان نے کہا کہ سینیٹ انتخابات ہائی جیک کرنے والے جمہوریت پر دھبہ ہیں، اوپن ووٹنگ سینیٹ میں ہارس ٹریڈنگ روکنے کا واحد راستہ ہے۔
بابر اعوان اور عمران خان کے درمیان گفتگو میں سندھ اسمبلی میں اپوزیشن لیڈر حلیم عادل کی گرفتاری پر بھی بات چیت کی گئی، بابراعوان نے پی ٹی آئی ورکرز کی جانب سے حلیم عادل کی گرفتاری پر تشویش سے آگاہ کیا۔
بابر اعوان نے کہا کہ حلیم عادل شیخ پر کسٹوڈیل ٹارچر سمیت غیر انسانی اور وحشیانہ سلوک کیا گیا۔
