پشاور: (ویب ڈیسک) خیبرپختونخوا میں موسم بہار کی شجرکاری مہم سال 2022 کا آغازکردیا گیا ،وزیراعلیٰ محمود خان نے سی ایم ہائوس لان میں پودا لگا کرمہم کا افتتاح کیا۔
مہم کے تحت صوبے میں 10 کروڑ سے زائد پودے لگائے جائیں گے، محکمہ جنگلات نے 10 کروڑ سے زائد پودے مفت تقسیم کئے ہیں، وزیراعلیٰ کا کہنا تھا کہ صوبے میں بلین ٹری منصوبے کے100 فیصد اہداف حاصل کئے ہیں، ٹین بلین ٹری کے تحت مزید ایک ارب پودے لگائے جائیں گے، مہم کے تحت فارسٹ ریجن-1 میں 3 کروڑ 40 لاکھ، ریجن-2 میں 4 کروڑ 20 لاکھ جبکہ ریجن-3 میں 2 کروڑ 60 لاکھ سے زائد پودے لگائے جائیں گے۔
وزیراعلیٰ کا کہنا تھا کہ جنگلات کا تحفظ اور شجرکاری کا فروع شروع دن سے موجودہ حکومت کی ترجیحات میں شامل رہا ہے۔ وزیراعظم عمران خان کے وژن کے مطابق ماحولیاتی آلودگی کے منفی اثرات کو کم کرنے کے لئے ایک جامع حکمت عملی کے تحت اقدامات اٹھا رہے ہیں۔
