کارڈف: انگلینڈ کے کپتان جوز بٹلر فیملی مصروفیات کی وجہ سے پاکستان کے خلاف تیسرا ٹی ٹوئنٹی نہیں کھیلیں گے۔
میڈیا رپورٹس کے مطابق 33 سالہ جوز بٹلر اور ان کی اہلیہ لوئیس کے ہاں تیسرے بچے کی پیدائش متوقع ہے جس کے باعث انہوں نے چھٹیاں لی ہیں، وہ پیر کو ٹریننگ سیشن میں بھی شریک نہیں ہوئے۔
جوز بٹلر نے پاکستان کیخلاف دوسرے ٹی ٹوئنٹی میچ میں 84 رنز کی شاندار اننگز کھیلی تھی۔
جوز بٹلر کی عدم موجودگی میں نائب کپتان معین علی ٹیم کی قیادت کریں گے، بٹلر چوتھے اور آخری ون ڈے کے لیے بھی واپس آئیں گے یا نہیں یہ ابھی تک معلوم نہیں ہے۔
پاکستان اور انگلینڈ کے درمیان تیسرا ٹی ٹوئنٹی منگل کو رات 10:30 کارڈف میں کھیلا جائے گا، اس موقع پر کارڈف میں بارش کا 92 فیصد تک امکان ہے جس سے میچ متاثر ہو سکتا ہے۔
یاد رہے کہ انگلینڈ نے ہفتہ کو دوسرے ٹی ٹوئنٹی میں پاکستان کو 23 رنز سے شکست دے کر سیریز میں 0-1 کی برتری حاصل کرلی تھی۔
بدھ کو لیڈز میں پہلا ٹی ٹوئنٹی بارش کی وجہ سے بغیر گیند پھینکے ہی ختم ہو گیا تھا۔ سیریز کا آخری میچ جمعرات کو اوول میں کھیلا جائے گا۔
