پاکستان کبڈی لیگ کا آغاز مئی سے لاہور میں ہوگا

لاہور (ویب ڈیسک ) پی ایس ایل کی مقبولیت کے بعد دیسی کبڈی کو بھی ولائتی ٹچ دینے کی تیاری کر لی گئی، پاکستان کی پہلی کبڈی لیگ کا مئی سے لاہور میں آغاز ہوگا۔ شاندار مقابلہ شروع ہونے سے پہلے ہی سوشل میڈیا پر ہِٹ ہو گیا، شائقین کی دلچسپی نے ایونٹ کو ٹویٹر پر ٹاپ ٹرینڈ بنا دیا ہے۔شائقین کبڈی کبڈی کیلئے تیار ہو جائیں کیونکہ دیسی کبڈی میں ولایتی تڑکے کا مزہ لگنے والا ہے اور پاکستان کی پہلی کبڈی لیگ کا مئی سے لاہور میں آغاز ہونے والا ہے۔ ایونٹ سوشل میڈیا پر ہِٹ بلکہ سپر ہِٹ ہو گیا۔ آغاز سے قبل ہی شائقین کی دلچسپی نے مقابلوں کو ٹویٹر پر ٹاپ ٹرینڈ بنا دیا۔ سپر کبڈی لیگ کی ڈرافٹنگ 23 اپریل کولاہور میں ہو گی۔ 10 ملکوں کے 120 سے زائد کھلاڑی شرکت کریں گے، 8 ٹیموں میں زور کا جوڑ پڑے گا۔صرف یہ ہی نہیں خواتین کبڈی کھلاڑیوں میں بھی 2 نمائشی میچ کھیلے جائیں گے، ایونٹ کی افتتاحی تقریب یکم مئی کو ہو گی، 2 مئی سے باقاعدہ مقابلوں کا آغاز ہوگا۔