کراچی(سپورٹس ڈ یسک ) ویمنز ڈیپارٹمنٹل ٹی20کپ میں پی سی بی الیون نے ایچ ای سی کو 7وکٹوں سے شکست دیکر تیسری کامیابی حاصل کرلی۔یہ ایچ ای سی کی میگا ایونٹ میں مسلسل 5ویں شکست ہے جبکہ زیڈٹی بی ایل نے سٹیٹ بنک کو باآسانی8وکٹوں سے ہراکر لگاتارپانچویں جیت اپنے نام کی۔کراچی میں جاری میگا ایونٹ میں پی سی بی الیون کیخلاف ایچ ای سی نے پہلے کھیلتے ہوئے8وکٹوں پر 116 رنز بورڈپردرج کرائے ۔ فضیلہ اخلاق 56 رنز بنا کرآﺅٹ ہوئیں ۔ثانیہ خان نے 3 کھلاڑیوں کوآﺅٹ کیا جبکہ کائنات امتیازکے حصے میں بھی 1وکٹ آئی۔جواب میں پی سی بی الیون نے ہدف17.4اوورزمیں3وکٹوں پرپوراکیا۔کائنات امتیاز 29 رنز کیساتھ ناقابل شکست رہیں۔ایک اورمیچ میں زیڈٹی بی ایل کیخلاف سٹیٹ بنک کی ٹیم پہلے کھیلتے ہوئے مقررہ اوورزمیں7وکٹوں پر109رنزبناسکی۔ثناءمیرنے3کھلاڑیوں کوپویلین کی راہ دکھائی ۔ نداڈارنے2کھلاڑیوں کوآﺅٹ کیا۔سدرہ امین31رنزبناسکیں۔جواب میں زیڈٹی بی ایل نے ہدف16.3اوورزمیں2وکٹوں کے نقصان پر حاصل کرلیا۔منیبہ علی42رنزبناکرآﺅٹ ہوئیں ۔ بسمہ 29ا ور جویریہ 21 رنز کیساتھ ناقابل شکست رہیں۔
