لاہور(نیوزایجنسیاں) قومی ہاکی ٹیم کے کپتان محمد رضوان سینئر کا کہنا ہے کہ انہیں قیادت سے ہٹائے جانے کی خبریں میڈیا کے ذریعے ملی ہیں۔پاکستان ہاکی ٹیم کے کپتان محمد رضوان سنئیر ان دنوں لیگ ہاکی کھیلنے کے لئے ہالینڈ میں موجود ہیں۔میڈیا سے گفتگو کرتے ہوئے رضوان کا کہنا تھا کہ وہ یورپین لیگ کھیلنے کے بعد ایک دن پہلے ہی میں اسپین سے ہالینڈ پہنچے ہیں اور انہیں قیادت سے ہٹائے جانے کی خبریں میڈیا کے توسط سے ملی۔رضوان کے مطابق انہوں نے اس حوالے سے منیجر حسن سردار سے رابطہ کیا تو انہوں نے کہا سب من گھڑت ہے،پریشان نہ ہو آپ ہی کپتان ہیں۔محمد رضوان کا کہنا تھا کہ انہیں اسسٹنٹ کوچ ریحان بٹ نے کہا ہے کہ آپ 14اکتوبر کی فلائٹ کی تیاری کریں۔پاکستان کے لئے 185میچ کھیلنے والے رضوان سنئیر کہتے ہیں کہ انہیں ایشین گیمز میں نہ جیتنے کا بہت افسوس ہے،ناکامی کا سارا ملبہ کھلاڑیوں پر ڈالنا سراسر نا انصافی ہے۔انہوں نے کہا کہ سابق اولمپئینز کی باتیں افسوس ناک ہیں ،پاکستان ہاکی ٹیم کے کھلاڑیوں کو سابق کھلاڑیوں کی حوصلہ افزائی کی ضرورت ہے۔انہوں نے کہا کہ ملک کی کپتانی اعزاز ہے لیکن وہ زبردستی کپتان نہیں بن سکتے۔’فیڈریشن کا اختیار ہے،وہ کس کو کپتان رکھتی ہے،کس کو نہیں ۔ہاکی کھیلنا میرا جنون اور شوق ہے،اور میں اپنے ملک کے لئے کپتانی کے لئے نہیں خدمت کے جذبے سے کھیلتا ہوں۔ایشین گیمز میں کھلاڑیوں کے ساتھ ناروا سلوک کے سوال پر قومی ہاکی ٹیم کے کپتان نے کہا کہ یہ باتیں بے بنیاد ہیں، سب کھلاڑی ان کے دوست ہیں اور اگر انہوں نے کسی کے ساتھ برا کیا ہے تو اس کا نام بتایا جائے ۔
Pakistani hockey player Muhammad Rizwan during a photo shot in Lahore on February 21, 2010. The 12-nation World Cup, held every four years, opens in New Delhi with a high-voltage India-Pakistan clash on February 28 and runs until March 13. Pakistan's team has been cleared to play by the government and it will depart on February 22. AFP PHOTO/Arif ALI (Photo credit should read Arif Ali/AFP/Getty Images)
