لندن (اپنے نمائندے سے)آسٹریلیا کرکٹ ٹیم کے کپتان اور موجود مایہ ناز بیٹسمین سٹیوسمتھ نے کہا ہے کہ فاسٹ باﺅلر وہاب ریاض پاکستانی ٹیم کا بہترین باﺅلر ہے اور پاکستانی باﺅلنگ اٹیک کی جان ہے۔ پاکستان کے اندر فاسٹ باﺅلر پیدا کرنے کی صلاحیت موجود ہے اور ہر دور میں پاکستان نے دنیائے کرکٹ کو بہترین باﺅلرز دئیے ہیں۔ انگلش آل راﺅنڈر بین سٹوکس اس وقت اپنی زنذدگی کی سب سے عمدہ فارم میں ہیں اور انہی کی وجہ سے ورلڈکپ میں انگلینڈ کی کامیابی ممکن ہوئی۔ کوئی شک نہیں کہ ویرات کوہلی اس وقت کے بہترین بیٹسمین ہیں لیکن ان سے کوئی مقابلہ نہیں ہے۔ میں ہر میچ ٹیم کے لیے کھیلتا ہوں‘ اپنے لئے نہیں۔ میچ کے دن ”Good Luck“ یا ”Bad Luck“ نہیں ہوتی‘ آپ کی اپنی صلاحیت ہوتی ہے کہ آپ کس طرح پرفارم کرتے ہیں۔ ان خیالات کا اظہار آسٹریلوی ٹیم کے سابق کپتان اور ایشنر سیریز کے پہلے دو ٹیسٹ میچوں میں لگا تار 2 سنچریاں سکور کرنے والے مایہ ناز بیٹسمین سٹیو سمتھ نے ایڈیٹر خبریں و سی ای او چینل ۵ امتنان شاہد سے اپنی بات چیت کے دوران کیا۔ انہوں نے مزید کہا کہ اب ان کی چوٹ پہلے سے بہتر اور انگلینڈ کے خلاف چوتھے ٹیسٹ میچ میں ایکشن میں نظر آئیں گے۔ اس موقع پر موجود آسٹریلیا کی ٹیم کے آف سپین باﺅلر نیتھن لائین نے یہ کہا کہ آف سپین باﺅلنگ میں اگر کبھی نام یاد رکھا جائے گا تو وہ ثقلین مشتاق کا ہوگا جنہوں نے آف سپین باﺅلنگ کو ایک نیا Angle دیا‘ دوسرا متعارف کروایا اور کریز کا استعمال باﺅلرز کے لیے بہتر کیا۔ انہوں نے مزید یہ کہا کہ میں اکثر ان کی اور مرلی دھرن کی ویڈیوز دیکھتا رہتا ہوں۔ گفتگو میں موجود آسٹریلوی فاسٹ باﺅلر پیٹر سڈل نے کہا کہ موجود ایشنر سیریز آسٹریلیا کی ٹیم کے لئے ایک بڑا چیلنج ہے لیکن ٹیم ایشنر جیتنے کی بھرپور صلاحیت رکھتی ہے اور ہمارے پاس وہ تمام کھلاڑی موجود ہیں جو انگلینڈ کو انگلینڈ میں ٹی ٹائم دے سکتے ہیں۔ انہوں نے مزید کہا کہ گلین میگراتھ کی باﺅلنگ اور ان سٹائل دنیا بھر کے سیم اور فاسٹ باﺅلرز کے لئے ایک گائیڈ لائن ہے کیونکہ اگر آپ کے پاس سوئنگ نہیں تو آپ کس طرح لائن ولینتھ سے بڑے بڑے بیٹسمینوں کو بیٹنگ کے دوران تنگ کرسکتے ہیں۔‘ یہ گلین میگراتھ کی باﺅلنگ سے ہی سیکھنے کو ملتا ہے۔
سابق آسٹریلوی کپتان اور مایہ ناز بیٹسمین سٹیو سمتھ کی لندن میں امتنان شاہدسے بات چیت پاکستان نے ہر دور میں دنیائے کرکٹ کو بہترین با ﺅ لر دئیے وہاب ریاض کے گرد پاکستان کا باﺅلنگ اٹیک گھومتا ہے ایشنر کے چوتھے میچ میں ایکشن میں دکھائی دوں گا; سٹیوسمتھ
