بابر اعظم کی صلاحیتوں کا غلط اندازہ لگایا، ڈیل اسٹین کا اعتراف

کراچی( و یب ڈ سک) جنوبی افریقی فاسٹ بولر ڈیل اسٹین نے تسلیم کیا کہ انھوں نے بابر اعظم کی صلاحیتوں کا غلط اندازہ لگایا۔2018 کے دورہ جنوبی افریقہ کے دوران سنچورین ٹیسٹ کی پہلی اننگز میں بابر نے اسٹین کی 31 میں سے 10 گیندوں کو باونڈری کی سیر کرائی، کیپ ٹاون میں کھیلے گئے دوسرے ٹیسٹ کی دوسری اننگز میں انھوں نے 29 بالز میں 5 کے ساتھ یہی سلوک کیا۔اسٹین نے اس حوالے سے اپنی یوٹیوب ویڈیو میں کہا کہ مجھے خوشی ہے کہ بابر نے جارحانہ انداز میں بیٹنگ کی، میں نے ہی ان کی صلاحیت کا غلط اندازہ لگایا تھا، انھوں نے چند انتہائی شاندار ڈرائیو شاٹس کھیلے، میں نے انھیں الگ قسم کی ڈیلیوری کی مگر انھوں کا اس کا بھی بہتر انداز میں سامنا کیا۔36 سالہ اسٹین نے مزید کہاکہ وہ پی ایس ایل کے سیزن 5 کے دوران پاکستانی میزبانی سے بہت زیادہ لطف اندوز ہوئے۔