پاکستان میں فائیو جی نیٹ ورک کے آغاز کیلئے دسمبر 2022 کا ہدف مقرر کردیا گیا۔
تفصیلات کے مطابق وفاقی وزیر آئی ٹی و ٹیلی کمیونیکیشن سید امین الحق سے ہواوے کمپنی کے اعلیٰ سطح کے وفد نےملاقات کی جس کی قیادت ہواوے کے مشرق وسطیٰ ریجن کے صدر چارلس یانگ نے کی۔
ملاقات کے دوران وفد نے پاکستان میں ڈیجیٹلائزیشن سے متعلق وفاقی وزیر آئی ٹی کی کاوشوں کو قابل تعریف قرار دیا۔ اس موقع پر باہمی دلچسپی کے امور پر تبادلہ خیال کیا گیا۔
وفاقی وزیر آئی ٹی سید امین الحق نے کہا کہ پاکستان کے تمام لوگوں تک موبائل رابطوں اور انٹرنیٹ سروسز کی فراہمی کیلئے کام کررہے ہیں۔
انہوں نے بتایا کہ فائیو جی نیٹ ورک کیلئے دسمبر 2022 کا ہدف مقرر کیا ہے۔
چارلس یانگ نے اس موقع پر کہا کہ ہواوے کا مکمل فوکس خطے میں فائیو جی نیٹ ورکنگ کا استعمال اور اس کے فروغ پر ہے۔
فائیوجی کیاہے؟
فائیوجی موبائل انٹرنیٹ کنکشن کی اگلی جنریشن ہےجوکہ تیزترین انٹرنیٹ کی رفتار کےساتھ اسمارٹ فونزاور دیگرڈیوائسزکواب پہلےسےبھی بہترین رابطےکی سہولت مہیاکرےگا۔
فائیوجی نیٹ ورکس نئے تجربےاورانتہائی اعلیٰ درجے کی ٹیکنالوجی پرمشتمل جو کہ موجودہ موبائل انٹرنیٹ کنکشن سے 100 گناتیزہوگا۔
فائیوجی نیٹ ورک موجودہ براڈبینڈکنکشن سے 10 گناتیزہوگا جس کے ہوم روٹرکی رفتارفورگیگابائٹس فی سیکنڈ ہے۔
فائیوجی کی اوسط ڈاونلوڈنگ کی رفتارایک سیکنڈ کےاندر1جی بی تک ہوگی۔ فائیوجی سے 50 جی بی فائل 2 منٹ میں ڈاؤن لوڈکی جاسکے گی۔
