پرویز الٰہی کا رائیونڈ تبلیغی مرکز کا دورہ، امیر تبلیغی جماعت سے ملاقات

لاہور: (ویب ڈیسک) سپیکر پنجاب اسمبلی چودھری پرویز الٰہی اور صوبائی وزیر معدنیات حافظ عمار یاسر نے رائیونڈ تبلیغی مرکز کا دورہ کیا اور امیر تبلیغی جماعت مولانا نذرالرحمن، مولانا ابراہیم دیولہ اور مولانا فاروق سے ملاقات کی۔
ملاقات کے دوران پرویز الٰہی کے صاحبزادے راسخ الٰہی، پوتے سفیان ظہورالٰہی، عثمان ظہورالٰہی سمیت تبلیغی رہنما امتیازغنی اور نعیم بٹ بھی ان کے ہمراہ تھے۔
مولانا نذرالرحمن نے چودھری پرویزالٰہی کی درخواست پر ملک و قوم کی سلامتی، امن و امان، بڑھتی ہوئی مہنگائی سمیت کورونا وبا کے خاتمے کیلئے خصوصی دعا کروائی۔
مولانا نذرالرحمن نے چودھری شجاعت حسین کی جلد صحت یابی کیلئے خصوصی دعا کروائی چودھری پرویزالٰہی تبلیغی مرکز میں ایک گھنٹہ سے زائد رہے، نماز مغرب کی بھی وہیں ادا کی
اس موقع پر مولانا نذر الرحمان نے کہا کہ پرویزالٰہی نے پنجاب اسمبلی سے تبلیغی جماعت کے حق میں متفقہ قرارداد پاس کروا کر عالمی سازش کو روکا، ہم ان کے اور ان کے خاندان کے بے حد مشکور ہیں، تبلیغی جماعت اللہ تعالیٰ نے عالمی سطح پر آپ سے دین کی خدمت کا کام لیا ہے، آپ نے تبلیغی جماعت کے خلاف سازش کو ناکام بنا کر عالم اسلام کی بہت بڑی خدمت ہے۔ ہم آپ اور آپ کے خاندان کے بے حد مشکور ہیں۔ دعا ہے اللہ تعالیٰ آپ کو اس خدمت پر جزائے خیر عطا فرمائے۔