لاہور: (ویب ڈیسک) ٹیسلا کے بانی ایلون مسک نے سماجی رابطے کی ویب سائٹ ٹوئٹر کا کنٹرول سنبھال لیا اور بھارت نژاد چیف ایگزیکٹو آفیسر (سی ای ای) پراگ اگروال سمیت اعلیٰ عہدیداروں کو نوکری سے برطرف کردیا ہے۔
بھارتی میڈیا رپورٹس کے مطابق ایلون مسک نے ٹوئٹر کا اپنا حصول مکمل کر لیا ہے اور توقع کے مطابق ٹیسلا کے بانی نے پراگ اگروال سمیت کمپنی کے چار اعلیٰ عہدیداروں کو برطرف کر دیا۔
انڈین میڈیا کے مطابق مسک کا فیصلہ حیران کن نہیں ہے کیونکہ انہوں نے عوامی طور پر اگروال پر سپیم بوٹ اکاؤنٹس کی تعداد پر گمراہ کرنے کا الزام لگایا تھا، مسک نے اگروال کے ٹویٹس میں سے ایک کا جواب دینے کے لئے مشہور طور پر پوپ ایموجی کا استعمال کیا۔
