سیٹھی پی سی بی کی ایگزیکٹوکمیٹی کے رکن نامزد

اسلام آباد (نیوز ا یجنسیا ں)آئی سی سی چیمپئین شپ پاکستان کے نام کر نے پر نجم سیٹھی کو انعام مل گیا ،پی سی بی کی ایگزیکٹو کمیٹی میں بطور ممبر نامز د کر دیا جبکہ دوسری جانب نجی ٹی وی نے دعویٰ کیاہے کہ چیئرمین پی سی بی بننے کے بھی امکانات روشن ہیں ۔تفصیل کے مطابق وزیرا عظم محمد نواز شریف نے پی سی بی کی ایگزیکٹوکمیٹی کے 2ارکان کو نامزد کر تے ہوئے نجم سیٹھی اور عارف اعجاز کو تین سال کے لئے انکی خدمات حاصل کی گئی ہیں جس کا اعلان وزیر اعظم ہاﺅس کے ترجمان کی جانب سے جاری ایک بیان میں کر کیا گیا ہے۔ نجی ٹی وی کے مطابق نجم سیٹھی کو آئی سی سی چیمپین شپ کو پاکستان کے نام کروانے میں بہترین کر دار ادا کرنے پر انہیں انعام کے طور پر ایگزیکٹو کمیٹی کے ممبر کے طورنامزد کیا گیا ہے جبکہ انہیں چیئرمین پی سی بی بنائے جانے کے روش امکانات ہیں۔ واضح رہے کہ وزیراعظم نواز شریف پہلے بھی نجم سیٹھی کو پی سی بی کا چیئرمین بنا چکے ہیں تاہم سپریم کورٹ کی جانب سے انہیں اس عہدے سے ہٹا دیا گیا تھا جس پر انہیں ایگزیکٹو کمیٹی کے ممبر کے طور پر پی سی بی کا عہدہ تفویض کیا گیا تھا جس کی معدت مکمل ہونے پر انہیں اگلے تین سال تک دوبارہ نامزد کیا گیا ہے۔