مکہ میں حاجی پریشان ،سہولتیں نہ ملنے پر کس کیخلاف پھٹ پڑے

اسلام آباد (آن لائن) مکہ مکرمہ میں حجاج کرام سہولیات نہ ملنے کے باعث وفاقی وزیر مذہبی امور سردار یوسف پر پھٹ پڑے جبکہ وفاقی وزیر نے ان سے احتجاج کو سیاست قرار دے دیا ۔ تفصیلات کے مطابق مکہ مکرمہ میں پاکستان سے گئے حجاج کرام کا وفاقی وزیر مذہبی امور سردار یوسف سے ان کا سامنا ہوا تو انہوں نے احتجاج شروع کیا اور شکایات کی بوچھاڑ کرتے ہوئے کہا کہ سعودی عرب میں رہنے کے لئے خیمے دیئے گئے اور نہ کھانا پینا تو پیسے آخر کیوں لئے اور اگر سعودی حکومت ذمہ داری نہیں نبھا رہی تھی تو ان سے بات کرنا پاکستانی حکومت کی ذمہ داری ہے ہم نے پیسے پاکستانی حکومت کو دیئے سعودی حکومت کو نہیں ۔وفاقی وزیر مذہبی امور سردار یوسف نے مظاہرین کو مخاطب کرتے ہوئے کہا کہ 90 فیصد حجاج کرام مطمئن ہیں لیکن چند لوگ کسی کی ایما پر شور مچا رہے ہیں اس معامےل پر سیاست نہ کریں کیونکہ رہائش اور کھانے پینے کا اچھا اہتمام کر رکھا تھا تاہم 4 دن کے لئے حجاج کرام کی ذمہ داری سعودی حکومت کی تھی جو وہ نبھانے میں ناکام رہے جس پر ان کو تحریری احتجاج ریکارڈ کرا دیا ہے ۔