کولکتہ (شوبز ڈیسک) پاکستانی فنکاروں پر پاپندی پر اداکار اوم پوری ایک بار پھر مودی حکومت کے سامنے ڈٹ گئے۔ ان کا کہنا ہے کہ پاکستان فنکاروں پر پا بندی درست نہیں، بھارتی حکومت کو کوئی مسئلہ ہے تو عدالت جائےں، پاکستان اداکاروں کی فلموں میں ہاﺅس فل رہتا ہے ۔واضح رہے فواد خان، علی ظفراور ماہرہ خان نے حال ہی میں بھارتی فلموں میں اداکاری کے جوہر دکھائے ہیں۔

نئی دہلی (مانیٹرنگ ڈیسک) بالی ووڈ لیجنڈ اوم پوری نے کہا ہے کہ پاکستانی اداکاروں کی فلمیں نہ دکھانے کے فیصلے پربھارتی فلمسازوں کو عدالت جانا چاہئیے ۔بھارت کی چا ر رساستوں میں پاکستانی اداکاروں کی فلموں پر پابندی کے حوالے سے ردعمل دیتے ہوئے انہوں نے کہا کہ پاک بھارت عام پڑوسی نہیں بلکہ ہزاروں سال سے ساتھ رہتے ہیں ۔غلام علی کا کنسرٹ ممبئی میں نہیں ہونے دیا گیا تو دہلی میں ہوا۔اوم پوری نے پاکستانی اداکاروں کی حمایت میں بات کرتے ہوئے واضح کیا کہ پاکستان اور بھارت کے لوگوں نے مل کر انگریز کے خلاف جنگ لڑی ۔یاد رہے اس سے قبل پاکستانی اداکاروں کی حمایت میں بولنے پر اوم پوری کو بھارتی انتہا پسند ہندوں کی جانب سے عتاب کا سامنا رہا ہے تاہم آج وہ ایک بار پھر پاکستانی اداکاروں کے حق میں بولے ہیں۔

نئی دہلی( ویب ڈیسک ) بھارتی اداکار اوم پوری کو سچ بولنا مہنگا پڑگیا، پاکستان کی حمایت میں بیان دینے پر انتہاءپسندوں نے غداری کا مقدمہ درج کرادیا۔بھارتی سینئر اداکار اوم پوری نے ٹی وی انٹرویو میں پاکستانی اداکاروں سے متعلق بیان دیا تھا جس نے انتہاء پسند سوچ رکھنے والوں کو لال پیلا کردیا، انہوں نے ایک سوال کے جواب میں کہا تھا کہ اہلکاروں کو کون کہتا ہے کہ آرمی جوائن کریں اور اسلحہ اٹھائیں؟۔بھارتی میڈیا کے مطابق غیر ذمہ دارانہ بیان نے اداکار اوم پوری کیخلاف ایک نئی مہم کا آغاز کردیا ہے، سوشل میڈیا پر لوگ ان کیخلاف اپنے دل کی بھڑاس نکال رہے ہیں تو دوسری جانب انتہاء پسندوں نے ان کیخلاف غداری کا مقدمہ بھی درج کرادیا۔بھارتی ذرائع ابلاغ کے مطابق سنگھرش نامی ایک تنظیم نے اوم پوری کیخلاف اندھیری (ایسٹ) پولیس اسٹیشن میں مقدمہ درج کرایا، جس میں مو¿قف اختیار کیا گیا ہے کہ سینئر اداکار نے بھارتی فوجیوں کی توہین کی۔اوم پوری نے انٹرویو کے دوران مزید کہا تھا کہ دونوں ملکوں کے درمیان کشیدہ ماحول اور جنگی صورتحال کیا فلسطین اور اسرائیل کی طرح بنانی ہے، وہ اینکر کو آڑے ہاتھوں لیتے ہوئے بولے کہ آپ 15 سے 20 لوگوں کو بارودی جیکٹس پہنائیں اور پاکستان میں خود کش بمبار بنا کر بھیج دیں۔سینئر بھارتی اداکار اور پاکستانی فلم ایکٹر ان لاءمیں اہم کردار ادا کرنے والے اوم پوری کے بیان نے سوشل میڈیا پر بھی نئی بحث کا آغاز کردیا، لوگ ان کے بیان پر ملے جلے جذبات کا اظہار کررہے ہیں، تاہم بھارتی انوپم کھیر اور ٹی وی اینکر کرن پٹیل نے اپنے پیغامات میں انہیں شدید تنقید کا نشانہ بنایا ہے۔انوپم کھیر نے لکھا ہے کہ ڈیئر اوم پوری جی میں آپ کی بہت عزت کرتا ہوں، لیکن کل ٹی وی پر آپ کی ملک کے فوجیوں سے متعلق بات سن کر بہت دکھ ہوا۔