اسلام آباد (خصوصی رپورٹ) واپڈا نے نیپرا کو پن بجلی کے نرخوں میں اضافہ کی درخواست دے دی ہے۔ واپڈا کی جانب سے نیپرا کو دی جانے والی درخواست میں پن بجلی کے نرخوں میں ایک روپیہ 73پیسے تک اضافے کی درخواست کی گئی ہے۔ نیپرا کی جانب سے درخواست منظور ہونے کی صورت میں پن بجلی کے نرخ ایک روپیہ 88پیسے سے بڑھ کر 3روپے 61پیسے فی یونٹ ہو جائیں گے۔ واپڈا کی جانب سے درخواست میں کہا گیا ہے کہ پن بجلی کے نرخوں میں اضافہ مالی سال 2017-18ءکیلئے طلب کیا گیا ہے کیونکہ مالی سال 2017-18ءکے دوران واپڈا نے صوبوں اور ارسا کو 33ارب سے زائد کی ادائیگی کرنی ہے جبکہ خیبر پختونخوا کو 25ارب 74کروڑ اور پنجاب کو 9ارب 52کروڑ سے زائد کرنے کی تجویز ہے۔
بجلی بم

لاہور(خصوصی رپورٹ) ملک میں آئندہ عام انتخابات سے قبل سابق صدر جنرل(ر) پرویز مشرف نے ہم خیال دینی و سیاسی جماعتوں کے ساتھ رابطے شروع کر دیئے ہیں۔ اس سلسلہ میں پہلا باضابطہ اجلاس گزشتہ روز دبئی میں ہوا جس میں سنی اتحاد کونسل مجلس وحدت مسلمین سمیت دیگر مختلف چھوٹی سیاسی و دینی جماعتوں کے نمائندے شریک ہوئے جس میں ملک میں آئندہ عام انتخابات کیلئے گرینڈ الائنس بنانے پر اتفاق ہوا تاہم پاکستان عوامی تحریک کا کوئی نمائندہ دعوت کے باوجود دبئی نہیں گیا۔ عوامی تحریک کی پاکستان میں موجود قیادت کا موقف ہے کوئی سیاسی اتحاد میں ہماری شمولیت چاہتا ہے تو سربراہ عوامی تحریک ڈاکٹر طاہرالقادری سے رابطہ کرکے انہیں قائل کرے۔ گزشتہ روز ہونے والی ملاقات میں سنی اتحاد کونسل کے چیئرمین صاحبزادہ حامد رضا جبکہ مجلس وحدت کی نمائندگی اسد نقوی اور ناصر شیرازی نے کی۔ معلوم ہوا ہے ان جماعتوں نے گرینڈ الائنس کیلئے فوری رابطوں کو وسیع کرنے کی ضرورت پر زور دیا جبکہ سیاسی و دینی جماعتوں کے نمائندوں کے سفر اور قیام و طعام کے اخراجات پرویزمشرف نے ادا کئے۔

سیالکوٹ(بیورورپورٹ)سیالکوٹ کے علاقہ گوندل کی رہائشی بیوہ خاتون نے ڈی پی او سیالکوٹ کو ناخلف بیٹوں اور بہوو¿ں کیخلاف کارروائی کیلئے درخواست دیدی، بدبخت بیٹے اپنی بیویوں کیساتھ ملکر بیوہ ماں پر ظلم کرنے لگے، تفصیلات کے مطابق سیالکوٹ کے علاقہ گوندل کی رہائشی 60سالہ بیوہ خاتون رشید بی بی نے ڈی پی او سیالکوٹ کو دی گئی تحریری درخواست میں الزام لگایا ہے کہ میرا خاوند وفات پاچکا ہے اور اسنے اپنی زندگی میں بیٹوں کی غلط حرکات کی وجہ سے اپنا مکان ملکیتی میرے نام بذریعہ اشٹام پیپر لکھ دیاتھا، میرے خاوند کے دو بیٹے سابق بیوی سے ہیں جبکہ ایک بیٹا میرے بطن سے ہے مگر تمام بیٹے مجھے سہارا دینے کی بجائے مجھ پر تشدد کرکے میری زندگی بھر کی جمع پونجی مکان ہتھیانے کی کوشش کررہے ہیں، چند روز قبل بیٹوں نے اپنی بیویوں کےساتھ مل کر مجھے لوہے کی پیٹی میں بند کردیاتھا اور اکثر اوقات بیٹے اپنی بیویوں کیساتھ ملکر مجھے تشدد کا نشانہ بناتے ہیں اورقتل کی دھمکیاں دیتے ہیں، بیوہ خاتون نے بتایا کہ سابق ایڈوائزر بے نظیر بھٹو و اسمبلی ممبر آزاد جموں و کشمیر شہزادہ کوثر گیلانی میری ہمسائی ہیں اور انہوں نے متعدد بار مجھے ان بیٹوں اور بہوو¿ں کے تشدد سے آزاد کروایا ہے، بیوہ خاتون کی درخواست پر ڈی پی او سیالکوٹ ڈاکٹر محمد عابد خاں نے تحقیقات کا حکم دیدیا ہے۔

لاہور (مانیٹرنگ ڈیسک ) پنجاب حکومت نے صوبے کے سرکاری و نجی تعلیمی داروں میں موسم گرما اور سرما کی چھٹیوں کا اعلان کردیا۔محکمہ تعلیم پنجاب نے صوبے بھر کے سرکاری و نجی تعلیمی اداروں کیلئے موسم گرما اور سرما کی سرکاری چھٹیوں کا اعلان کر دیا ہے جس کا نوٹیفکیشن بھی جاری کر دیا گیا ہے۔نوٹیفکیشن میں کہا گیاہے کہ پنجاب بھر میں موسم گرما کی چھٹیاں یکم جون سے 14اگست تک ہوں گی جبکہ موسم سرما کی چھٹیاں میدانی علاقوں میں 24دسمبر سے 31دسمبرتک اور پنجاب کے پہاڑی علاقوں مری ، کوٹلی ، ستیاں میں موسم سرما کی چھٹیاں 20دسمبر سے 4مارچ تک ہوں گی۔نوٹیفکیشن میں مزید بتایا گیا ہے کہ ان پہاڑی تحصیلوں میں موسم گرما کی چھٹیاں 16جولائی سے 29جولائی تک کی جائیں گی۔

علی پور (نامہ نگار) ”جہاں ظلم وہاں خبریں“ سودخور کے مظالم اور بربریت کا باب بند نہ ہوسکا ایک اور نوجوان کی زندگی گل، بااثرسودخور کی دھمکیوں سے تنگ ایک اور نوجوان نے زہرلی گولیاں کھاکرخودکشی کرلی، پولیس کا کارروائی سے انکار، معاملہ دبانے کی کوشش۔ تفصیل کے مطابق علی پور کے بدنام زمانہ سود خور نجم شیخ عرف نجوسے نوجوان ارسلان شاہ نے پانچ ہزار روپے ادھار لیے جس نے سود لگاکر 15ہزار روپے وصول کیے اور مزید25ہزار روپے طلب کیے جس پر متاثرہ نوجوان کی مدعیت تھانہ سٹی علی پور میں مقدمہ نمبر173/17سود خوری ایکٹ کے تحت درج ہوا لیکن سود خور مدعی مقدمہ ارسلان شاہ کو ایک اور سودخور جاوید گوپانگ کے ڈیرے پر لے گیا اور زبردستی صلح کے اشٹامپ پیپر پر انگوٹھے لگوا لیے صلح کے بعد سود خور نے مذکورہ نوجوان کو سنگین نتائج کی دھمکیاں دینا شروع کردیں اور سوددرسود وصول کرنے کیلئے مبینہ 50ہزارروپے مانگے جس پر نوجوان ارسلان شاہ نے تنگ آکرزہرلی گولیاں کھا لیں اور بہاولپورلے جاتے ہوئے راستہ میں دم توڑگیااطلاع کے باوجود پولیس تھانہ سٹی نے کوئی کارروائی نہ کی اور خاموشی سے نوجوان کی تدفین کردی گئی واضح رہے کہ ایک ماہ قبل بھی مذکورہ سودخور نجم شیخ نے سود کی رقم وصول کرنے کیلئے ایک نوجوان علی عباس پرتشددکیا تھا جس نے دلبرداشتہ ہوکر خودکشی کرلی تھی اور بعدازاں علی عباس کی والدہ سے اپنے حق میں پولیس کو بیان دلوائے تھے رابطہ پر محررتھانہ سٹی عبدالحمید نے بتایا کہ پنچایتی فیصلہ میں صلح ہوگئی تھی اب ہمارے پاس کوئی درخواست نہ آئی ہے۔

لاہور(کرائم رپورٹر)اےف آئی اے سائبر کرائم نے بچوں کی برہنہ وےڈےو بنا کر بےرون ملک بےچنے والا ملزم گرفتار کر لےا ،بتاےا گےا ہے کہ سادات امین بچوں کی برہنہ وےڈےو بنا کر بےرون ملک انٹرنےٹ کے ذرےعے بیچتا تھا جس پر سائبر کرائم نے ناروے کی اےمبےسی کی شکاےت پر ملزم کو گرفتار کر لےا اور اس سے ڈےٹا قبضہ میں لےا ۔جس میں سےنکڑوں کی تعداد میں بچوں کی برہنہ وےڈےو تھیں اےف آئی اے کے مطابق ملزم کو فےصل آباد سے گرفتار کےا گےا۔

لاہور (خصوصی رپورٹ) پنجاب حکومت نے طلباءکی غیرنصابی سرگرمیوں پر پابندی عائد کر دی۔ محکمہ ہائر ایجوکیشن پنجاب نے صوبہ کی تمام یونیورسٹیز کو مراسلہ جاری کیا ہے کہ طلبہ کی کسی قسم کی غیرنصابی سرگرمی کو منعقد نہیں کیا جائے گا۔ اگر کسی یونیورسٹی میں غیرنصابی سرگرمی کی اجازت دینی ہے تو اس کی تمام صورتحال کا ذمہ دار وائس چانسلر خود ہوگا۔ مراسلہ میں کہا گیا ہے کہ اگر کوئی پروگرام منعقد کیا جاتا ہے تو اس کی نگرانی بذات خود وائس چانسلر کرے۔ دوسری جانب پنجاب یونیورسٹی میں طلبہ تنظیموں میں تصادم کے بعد فیکٹ فائنڈنگ کمیٹی اور پنجاب گورنمنٹ کی انکوائری کمیٹی کی رپورٹ تیار پڑی ہے‘ مگر تاحال رپورٹ کو منظر عام پر لانے کے لئے وزیراعلیٰ پنجاب کے اشارے کا انتظار کیا جا رہا ہے۔ دریں اثنا پنجاب یونیورسٹی میں پھر حالات کشیدہ‘ طلباءکی ریلی کے باعث یونیورسٹی کے تمام گیٹ بند‘ طلباءو طالبات کو یونیورسٹی میں داخل ہونے سے روک دیا گیا جس کی وجہ سے طلباءکو شدید پریشانی کا سامنا کرنا پڑ رہا ہے۔ تفصیلات کے مطابق واضح رہے کہ کچھ روز قبل پشتون کلچر ڈے کی تقریب میں پنجاب یونیورسٹی کی دو طلباءتنظیموں میں ہنگامہ آرائی ہوئی تھی جس میں پولیس کے لاٹھی چارج کے دوران متعدد طلباءزخمی ہو گئے تھے۔ اس ہنگامہ آرائی کے بعد پنجاب یونیورسٹی کی انتظامیہ نے طلباءسیاست سے متعلق تفصیلی پالیسی پر مشتمل مراسلہ جاری کیا تھا۔
جامعہ پنجاب