پنجاب اسمبلی میں وزیر اعظم کیخلاف کیا ہونے جارہا ہے ؟

لاہور (اپنے سٹاف رپورٹر سے) پنجاب اسمبلی میں وزیراعظم کا نام ای سی ایل میں ڈالنے کی قرارداد جمع کرا دی گئی قرارداد اپوزیشن لیڈیر میاں محمودالرشید کی جانب سے جمع کرائی گئی،قرار داد کے مطابق نوازشریف کیخلاف منی لانڈرنگ، ٹیکس چوری کی تحقیقات آخری مرحلے میں داخل ہو رہی ہیں، لہٰذا وزیراعظم کا نام ای سی ایل میں ڈالا جائے۔ متن کے مطابق وزیراعظم نواز شریف کی پانامہ کی تحقیقات کیلئے بنائی جانے والی جے آئی ٹی پر بلاجواز تنقید کے بعد وفاقی وزیر خواجہ آصف، خواجہ سعد رفیق، شاہد حاقان عباسی اور احسن اقبال نے اپنی پریس کانفرنس میں جے آئی ٹی پر انتہائی گھٹیا الزامات اور زبان استعمال کی۔ وزیراعظم اور وزراءنے عدالت عظمیٰ کے آئینی کردار کی نہ صرف نفی بلکہ اس سے انتہائی معتبر ادارے کی توہین کے ساتھ ساتھ بلاواسطہ دھمکیاں بھی دی گئی لہٰذا یہ ایوان عدلیہ اور جے آئی ٹی کو دھمکانے پر ازخود نوٹس نوٹس لے اور وزیراعظم اور وزراءکیخلاف توہین عدالت کی کارروائی کرے۔