جے آئی ٹی فیصلہ, اربوں ڈوب گئے, معیشت خطرے میں !!!

کراچی( آن لائن )پاکستان اسٹاک مارکیٹ میں شدید مندی کے باعث 1541پوائنٹس کی کمی کے ساتھ ہی ہنڈریڈ انڈیکس 44732 پوائنٹ کی سطح پر گیا ،،ٹریڈنگ کے آغاز پر پی ایس ایکس 100 انڈیکس بھی بڑی تیزی سے کمی کا شکار ہوا اور صرف چار منٹ کے دوران 1300 پوائنٹس سے محروم ہوگیا۔تفصیلات کے مطابق جے آئی ٹی کی جانب سے پاناما کیس کی حتمی رپورٹ کے اثرات آج اسٹاک مارکیٹ پر بھی دیکھے جارہے ہے جہاں کاروبار کا آغاز مندی سے ہوا اور 100 انڈیکس میں 1541 پوائنٹس کی کمی واقع ہوئی اور ،ٹریڈنگ کی ابتدا ہی میں پی ایس ایکس انڈیکس 45000 کی نفسیاتی حد سے گر گیا پاکستان اسٹاک ایکسچینج کے جاری کردہ اعداد و شمار کے مطابق پی ایس ایکس انڈیکس 44721.89 پر تھا جس میں تبدیلی منفی 1551.92 یعنی منفی 3.35 فیصد ریکارڈ کی گئی۔اپنے پہلے ایک گھنٹے کے دوران پی ایس ایکس انڈیکس زیادہ سے زیادہ 46273.81 اور کم سے کم 44714.72 پر رہا۔زرائعکے مطابق پاکستان اسٹاک ایکسچینج میں پہلے ایک گھنٹے کے دوران 24 کمپنیوں کے حصص کا کاروبار ہوا جن میں سے بیشتر کی ٹریڈنگ کم قیمت پر ہوئی۔ پی ایس ایکس پہلے ہی ڈالر کی قیمت میں کمی کے معاملے پر مندی کا شکار ہے جبکہ اس کیفیت کو گزشتہ روز جے آئی ٹی رپورٹ نے مزید سنگین بنادیا ہے جس کے نتیجے میں اکثر سرمایہ کار پریشانی کا شکار ہوگئے ہیں۔اسٹاک مارکیٹ میں آج صبح 10 بجے تک حصص کے کاروبار کا حجم 19,822,990 رہا جس کی مجموعی مالیت 1 ارب 60 کروڑ 86 لاکھ 20 ہزار 191 روپے تھی۔