نواز شریف کیلئے اڈیالہ جیل میں بہترین انتظامات کیے جائیں

لندن(مانیٹرنگ ڈیسک)پاکستان تحریک انصاف کے چیئرمین عمران خان کا کہنا ہے کہ خیبر پختونخوا کے حوالے سے میرے بیان کو توڑ مڑور کر پیش کیا گیا،جبکہ صوبائی حکومت نے وفاقی حکومت سے بہت بہتر کام کیا۔ تفصیلات کے مطابق عمران خان ایک ہفتے کے لئے لندن پہنچ گئے ہیں، لندن ائیرپورٹ پر میڈیاسے مختصر گفتگو کرتے ہوئے ان کاکہنا تھا کہ خیبر پختونخوا کے حوالے سے میرے بیان کو توڑ مڑور کر پیش کیا گیا ،وہاں کی موجودہ حکومت نے پانچ ،پانچ باریاں لینے والوں سے بہت بہتر کام کیا ہے ۔نواز شریف کے لئے اڈیالہ جیل میں بہترین انتظامات کئے جائیں تاکہ ان کو کسی بھی قسم کی پریشانی نہ ہو۔ میڈیا رپورٹس کے مطابق پی ٹی آئی کے چیئرمین ایک ہفتہ لندن میں قیام کریں گے جہاں وہ شادی کی تقریب میں شرکت کے علاوہ پارٹی رہنماوں سے بھی ملاقاتیں کریں گے، عمران خان کے ساتھ ان کے دونوں صاحبزادے سلمان اور قاسم کے علاوہ پارٹی رہنما عثمان ڈار بھی ہمراہ ہیں۔ لندن ایئر پورٹ پر میڈیا سے مختصر گفتگو کرتے ہوئے ان کا کہنا تھا کہ خیبر پختونخوا کے حوالے سے میرے بیان کو توڑ مروڑ کر پیش کیا گیا، وہاں کی موجودہ حکومت نے پانچ، پانچ باریاں لینے والوں سے بہت بہتر کام کیا ہے۔