دبئی(آئی این پی) انٹرنیشنل کرکٹ کونسل (آئی سی سی )نے پاک بھارت کرکٹ سیریز تنازع کے حل کےلئے تین رکنی کمیٹی تشکیل دے دی۔آئی سی سی کے مطابق آئی سی سی نے دونوں ملکوں کے مابین سیریز کے تنازعہ کے حل کے لئے تین رکنی آئی سی سی ڈسپیوٹ ریزو لیشن کمیٹی ٹرمز آف ریفرنس بنادی ہے جو دونوں ملکوں کے مابین سیریز کے تنازعہ کے کیس کی سماعت کرے گی ۔پاک بھارت سیریز کے تنازع کے حل کے لئے بنائی گئی کمیٹی کے چیئرمین مائیکل بیلوف ہوں گے جب کہ دیگر اراکین میں جان پالسن اور انیابیل بینیٹ شامل ہیں۔آئی سی سی کا کہنا ہے کہ کمیٹی تین روزہ سماعت کے بعد پاک بھارت کرکٹ سیریز کے معاملے کا فیصلے دے گی سماعت یکم سے 3اکتوبرتک دبئی میں ہوگی۔یاد رہے کہ پاکستان اور بھارت کے درمیان مفاہمتی یادداشت پر دستخط کے باوجود بھارت نے پاکستان سے کرکٹ کھیلنے سے انکار کردیا تھا۔پی سی بی نے پاکستان کے ساتھ کرکٹ نہ کھیلنے پر بھارت کے خلاف 6 ارب روپے ہرجانہ کر رکھا ہے اور قانونی جنگ کیلئے 10 کروڑ روپے بھی مختص کیے ہوئے ہیں۔ بھارتی انکار کے بعد پاکستان کرکٹ بورڈ نے بھارت کے کرکٹ سیریز نہ کھیلنے پر معاملہ آئی سی سی کی ڈسپیوٹ کمیٹی کے حوالے کیا تھا۔ یاد رہے کہ پاکستان اور بھارت کے درمیان مفاہمتی یادداشت پر دستخط کے باوجود بھارت نے پاکستان سے کرکٹ کھیلنے سے انکار کردیا تھا۔بھارتی انکار کے بعد پاکستان کرکٹ بورڈ نے بھارت کے کرکٹ سیریز نہ کھیلنے پر معاملہ آئی سی سی کی ڈسپیوٹ کمیٹی کے حوالے کیا تھا۔
پاک بھارت کرکٹ تنازع حل کیلئے 3 رُکنی کمیٹی قائم
