ماسکو (ویب ڈیسک) روسی کمپنی کلاشنکوف نے ایک پرانے انداز کی الیکٹرک کار متعارف کروائی ہے اور اس کا کہنا ہے کہ یہ کار معروف امریکی کمپنی ٹیسلا کا مقابلہ کرے گی۔ شہورِ زمانہ کلاشنکوف رائفل (اے کے 47) بنانے والی کمپنی نے سی وی 1 نامی اس کار کا نمونہ ماسکو میں ایک تقریب میں متعارف کروایا ہے۔کمپنی کا کہنا ہے کہ سی وی 1 1970 کی دہائی میں مقبول سوویت ہیچ بیک کار کے طرز پر بنائی گئی ہے۔ ان کا کہنا ہے کہ یہ ایک جدید ترین سپر کار ہو گی۔جمعرات کے روز ایک بیان میں کمپنی کا کہنا تھا کہ سی وی 1 میں انتہائی جدید ترین نظام لگائے گئے ہیں جو ’الیکٹرک کار بنانے والی عالمی کمپنیوں جیسے کہ ٹیسلا‘ کا مقابلہ کریں گے۔ بیان میں مزید کہا گیا ہے کہ جب یہ گاڑی مکمل طور پر تیار کر لی جائے گی تو اس کی رفتار موجودہ الیکٹرک گاڑیوں کے مقابلے میں کئی گنا زیادہ ہو گی اور یہ ایک چارج پر ساڑھے تین سو کلومیٹر کا سفر کر سکے گی۔کیونکہ یہ ایک ابتدائی پروٹوٹائپ ہے اسی لیے گاڑی کی قیمت فی الحال نہیں بتائی گئی۔روسی کمپنی کلاشنکوف اپنے برانڈ کو مختلف اطراف لے جانے کے لیے کوشاں رہی ہے اور حال ہی میں انھوں نے کپڑوں کی ایک لائن بھی لانچ کی ہے جس کے ساتھ ساتھ ذاتی استعمال کی اشیا جیسے کہ سمارٹ فون کور اور چھتریاں بھی متعارف کروائی گئی ہیں۔کمپنی کے الیکٹرک گاڑیوں کے میدان میں قدم رکھنے پر ماسکو میں ملا جلا ردِعمل سامنے آیا ہے۔ سوشل میڈیا صارفین نے جلد ہی کمپنی کے فیس بک پیچ پر اپنے خیالات کا اظہار کرنا شروع کر دیا اور کچھ نے تو اسے ’زومبی لائک‘ کہنا شروع کر دیا جبکہ کچھ نے اسے ’زبردست‘ قرار دیا۔ایک صارف نے کہا کہ ’آپ کے ٹینک تو بہت اچھے ہیں مگر بہتر ہو گا کہ آپ گاڑیوں سے دور ہی رہیں۔‘اسی ہفتے کے آغاز میں کلاشنکوف نے ایگورک نامی ایک روبوٹ بھی متعارف کروایا تھا جس کا قد چار میٹر ہے اور وزن 4.5 ٹن ہے جس کا مقصد انجینیئرنگ اور جنگی کام کرنا ہے۔ ایک ایسے وقت پر جب دنیا میں روبوٹ چھوٹے سے چھوٹے ہو رہے ہیں، کمپنی کو اپنے قدرے پرانے انداز کے بھاری بھرکم سٹائل پر کمپنی کا مذاق اڑایا گیا ہے۔کمپنی کا کہنا تھا کہ انھیں امید ہے کہ 2020 تک وہ اس روبوٹ کا بہتر ورڑن متعارف کروائیں گے۔

امریکہ(ویب ڈیسک ) امریکا کی ہارورڈ یونیورسٹی میں صحتِ عامہ کی پروفیسر کیرن مچل نے اپنی ایک حالیہ ویڈیو میں انکشاف کیا ہے کہ ناریل کا تیل صحت بخش نہیں بلکہ ایک زہر ہے۔یوٹیوب پر شیئر کرائے گئے ایک ویڈیو لیکچر میں پروفیسر کیرن مچل نے خبردار کیا ہے کہ ناریل کا تیل مفید نہیں بلکہ کسی زہر کی مانند ہے جو انسانی صحت پر برے اثرات مرتب کرسکتا ہے۔ امریکی پروفیسر نے یہ حیران کن انکشاف اپنے ویڈیو لیکچر ’ناریل اور دیگر غذائی مغالطے‘ میں کیا۔کیرن یونیورسٹی آف فریبرگ، جرمنی کے شعبہ وبائی امراض کی ڈائریکٹر بھی ہیں اور ناریل کے تیل سے متعلق انکشاف پرانہیں شدید تنقید کا سامنا ہے۔ امریکی پروفیسر نے اپنی تحقیق کے حوالے سے غذائی چارٹ اور دیگر شواہد بھی پیش کیے۔ انہوں نے واضح کیا کہ ناریل کے تیل میں سیرشدہ چکنائیوں (Saturated Fats) کی مقدار بہت زیادہ ہوتی ہے جو صحت کے لیے زہر ہے۔اس قسم کی چکنائیوں میں بطورِ خاص ”ایل ڈی ایل“ بھی شامل ہے جسے طبّی ماہرین ”برے کولیسٹرول“ (bad cholesterol) کے نام سے جانتے ہیں کیونکہ یہی وہ چکنائی ہے جو رگوں کی اندرونی سطح پر جم کر انہیں تنگ کردیتی ہے اور خون کے بہاو¿ میں رکاوٹ ڈالتے ہوئے کئی ایک امراضِ قلب لاحق ہونے کی وجہ بھی ہے۔دوسری جانب ٹفٹ یونیورسٹی کے فوڈ سائنس ڈیپارٹمنٹ کے پروفیسر ایلس لیکٹینسن نے پروفیسر کیرن کے ”انکشاف“ پر ردعمل دیتے ہوئے کہا کہ ایسا کوئی ڈیٹا یا سائنسی ثبوت موجود نہیں جس کی بنیاد پر ناریل کے تیل کو زہر قرار دیا جاسکے۔ البتہ ناریل کا تیل دل کے مریضوں کے لیے نقصان دہ ضرور ثابت ہوسکتا ہے اور اسے محدود مقدار میں ہی استعمال کیا جانا چاہیے۔امریکی تنظیم برائے امراضِ قلب نے بھی ناریل کے تیل کو پکوان میں استعمال کرنے کے عمل کو دل کے لیے نقصان قرار دیا ہے۔ ناریل میں چربی کی مقدار بہت زیادہ ہوتی ہے اور طبی ماہرین ایک دن میں 6 فیصد سے زیادہ سیرشدہ چکنائیاں لینے سے منع کرتے ہیں جب کہ ناریل کے تیل میں سیرشدہ چکنائیوں کی مقدار 80 فیصد ہوتی تک ہے۔

مشی گن ( ویب ڈیسک ) ایک امریکی شہری حیرت انگیز طور پر اپنے پاﺅں کو 180 ڈگری کے رخ پر موڑ کر الٹے قدموں چل سکتا ہے۔امریکی شخص موسس لینہم کو 14 سال کی عمر سے اپنے پاﺅ ں کو مخالف سمت میں موڑ کر پیدل چلنے پر ’مسٹر پلاسٹک‘ کے نام سے پکارا جاتا ہے اور ایسی مثال دنیا میں کہیں اور نہیں ملتی۔ انہیں یہ انوکھی صلاحیت اس وقت حاصل ہوئی جب وہ ورزش کے دوران جم میں دو بلند دیواروں کے درمیان تنی ہوئی ایک رسی پر چلنے کی کوشش میں نیچے گرگئے تھے۔اس حادثے کے بعد موسس کو اپنے پیروں میں نمایاں تبدیلی محسوس ہوئی اور جلد وہ جان گئے کہ بغیر تکلیف کے وہ اپنی ٹانگوں کو 180 ڈگری کے زاویئے پر موڑ کر چل سکتے ہیں۔ ماہرین طب کا کہنا ہے کہ ایسا ٹانگوں، گھٹنوں اور کولہوں کے جوڑوں میں کارٹیلیج (کرکری ہڈی) کی دگنی مقدار کی موجودگی سے ہوتا ہے۔انسانی جسم کے جوڑوں میں ہڈیوں کے درمیان ایک نرم، چکنی اور لچک دار ہڈی ہوتی ہے جسے ”کرکری ہڈی“ یا کارٹیلیج کہا جاتا ہے۔ یہ کسی جوڑ پر ہڈیوں کے آپس میں ملنے والے مقام پر ہڈیوں کی سطح کو چکنا رکھتی ہے جس سے ہڈیوں کو حرکت اور موڑنے کے دوران تکلیف نہیں ہوتی اور ہم آسانی سے اٹھ بیٹھ سکتے ہیں۔ تاہم موسس میں کارٹیلیج اور متعلقہ بافتوں (ٹشوز) دگنی تعداد میں ہونے کی وجہ سے وہ اپنے پاﺅں کو گھٹنے سے 180 ڈگری زاویئے تک موڑ سکتے ہیں۔

واشنگٹن (ویب ڈیسک ) سائنس دانوں کا دعوی ہے کہ مچھر کسی شخص کو زیادہ کاٹتے ہیں جب کہ کچھ لوگوں کو بالکل تنگ نہیں کرتے جس کی ایک سائنسی وجہ ہے۔ اسی طرح بیماریوں کا سبب بننے والی مادہ مچھر صرف اس وقت کاٹتی ہے جب وہ انڈے دینے کی حالت میں ہو۔ ایک مچھر پوری رات کا سکون غارت کرنے کے لیے کافی ہوتا ہے تاہم عمومی طور پر مشاہدہ کیا گیا ہے کہ ایک شخص مچھر سے تنگ ہے جب کہ ا±سی کمرے میں موجود دوسرا شخص مچھر سے بےخبر پ±ر سکون نیند کے مزے ا±ڑا رہا ہوتا ہے۔یہ ایک ایسا مشاہدہ جس کی ہر کوئی اپنی اپنی توجیح پیش کرتا ہے اور اس حوالے سے کئی قصے کہانیاں بھی مشہور ہیں جیسے انسانی جلد کی رنگت، پسینے کی ب±و، خون کا گروپ اور بالوں کی ساخت مچھروں کو اپنی جانب متوجہ کرتی ہیں۔ تاہم سائنس دان ان توجیحات سے مطمئن نظر نہیں آتے۔کچھ طبی ماہرین کا کہنا ہے کہ مچھروں کی تمام ہی اقسام کاربن ڈائی آکسائیڈ کا بہترین اداراک رکھتی ہیں اور جیسے ہی جسم سے خارج ہونے والی کاربن ڈائی آکسائیڈ فضا میں پھیلتی ہے، مچھر اندھیرے کے باوجود اپنے شکار تک پہنچ جاتا ہے۔ اس کے علاوہ لیکٹک ایسڈ اور امونیا سے بھی مچھر اپنے شکار کو ٹارگٹ کرلیتا ہے۔تاہم اب نئی تحقیق سے کچھ اور باتیں بھی سامنے آئی ہیں جن کا تعلق انسانی جسم پر پائے جانے والے جرثوموں کی مجموعی کیفیت سے ہے جسے سائنسی زبان میں ”مائیکروبایوٹا“ کہتے ہیں۔ ویب سائٹ ’ دی کنورزیشن‘ پر رچرڈ ہاف پینی کے ایک مضمون میں بتایا گیا ہے کہ انسانی جلد بالوں پر مختلف الاقسام جرثوموں (بیکٹیریا) کی بڑی تعداد پائی جاتی ہے؛ اور مچھر ہماری جلد کو نہیں بلکہ ان ہی جرثوموں کی وجہ سے یا تو ہم پر حملہ آور ہوتے ہیں یا پھر ہمیں نظر انداز کردیتے ہیں۔آپ کو یہ جان کر شاید حیرت ہو کہ انسانی کھال کے ہر ایک مربع انچ پر 10 لاکھ سے زیادہ بیکٹیریا پائے جاتے ہیں جو 300 یا اس سے بھی زیادہ اقسام کے ہوسکتے ہیں۔ یہ بیکٹیریا عام طور پر خود ہمارے لیے تو نقصان کا باعث نہیں بنتے لیکن مچھروں کو ہماری طرف متوجہ کرنے (یا نہ کرنے) کا موجب ضرور بن سکتے ہیں۔ بیکٹیریا سے انتہائی معمولی مقدار میں خارج ہونے والے بعض مادّے، بخارات کی شکل میں مچھروں تک پہنچتے ہیں اور ان کا حساس نظام انہیں بہ آسانی محسوس کرلیتا ہے۔ اسی کے ردِعمل میں وہ یا تو کسی شخص کو کاٹنے کیلئے اس پر بھنبھنانا شروع کردیتے ہیں یا پھر نظرانداز کرجاتے ہیں۔کسی بھی انسان کا مائیکروبایوٹا پوری عمر کے دوران کم و بیش یکساں ہی رہتا ہے جسے مصنوعی طریقوں سے تبدیل کرنا کسی بھی طرح عقل مندی کا کام نہیں۔ اس لیے صرف اتنا ہی کہا جاسکتا ہے کہ اگر آپ کا مائیکروبایوٹا محفوظ ہے اور مچھروںکیلئے کوئی کشش نہیں رکھتا تو آپ خوش نصیب ہیں۔ اور اگر آپ کی کھال پر پائے جانے والے بیکٹیریا کا یہ مجموعہ ایسا ہے کہ مچھر اس کی سمت راغب ہوں، تو پھر ہوشیار رہنے کی ضرورت ہے۔