لیڈز(ویب ڈیسک) ویسٹ انڈیز نے افغانستان کو23رنز سے شکست دے دی ۔کرکٹ ورلڈکپ کے 42ویں میچ میں ویسٹ انڈیز کے 312 رنز کے جواب میں افغانستان کی بیٹنگ جاری ہے۔ لیڈز میں کھیلے جارہے کرکٹ ورلڈکپ کے 42ویں میچ میں ویسٹ انڈیز نے افغانستان کے خلاف ٹاس جیت کر بیٹنگ کا فیصلہ کیا ہے۔ ویسٹ انڈیز کی جانب سے اننگز کا آغاز کرس گیل اور ایون لیوس نے کیا، گیل میگا ایونٹ کے اپنی آخری میچ میں بھی ناکام ثابت ہوئے اور صرف 7 رنز بنانے کے بعد آﺅٹ ہوگئے۔ایون لیوس نے شائے ہوپ کے ساتھ ملکر ذمہ دارنہ بیٹنگ کی، اس دوران دونوں بلے بازوں نے اپنی نصف سنچریاں مکمل کیں، لیوس 58 رنز بناکر آﺅٹ ہوئے اور شائے ہوپ 77 رنز بنانے کے بعد پویلین واپس لوٹے۔ شیمرون ہیٹمیئر 39 رنز بنانے کے بعد آﺅٹ ہوئے جب کہ پچھلے میچ کے سنچری میکر نکولس پورن نے ایک اور شاندار اننگز کھیلی، وہ 58 رنز بناکر رن آﺅٹ ہوئے اور کپتان جیسن ہولڈر نے 45 رنز کی اننگز کھیلی۔افغانستان کی جانب سے دولت زدران نے 2 جب کہ راشد خان، محمد نبی اور سید شرزاد نے ایک ایک وکٹ حاصل کی۔دونوں ٹیموں نے ایونٹ میں اب تک 8،8 میچز کھیلے ہیں جس میں سے ویسٹ انڈیز نے صرف ایک میچ جیتا جب کہ افغانستان ایونٹ میں اب تک کوئی کامیابی حاصل نہیں کرسکا ہے۔ اس کے علاوہ دونوں ٹیمیں سیمی فائنل کی دوڑ سے پہلے ہی باہر ہوچکی ہیں۔
