لاہور(ویب ڈیسک)پاکستان کے ورلڈ کپ سے باہر ہونے کے ساتھ ہی ورلڈ کپ 2019 کے سیمی فائنل کیلئے کوالیفائی کرنے والی چاروں ٹیموں کا فیصلہ ہو گیا ہے۔پاکستان اور بنگلہ دیش کے درمیان میچ سے قبل ہی ورلڈ کپ کے سیمی فائنل کی 4 ٹیموں کا تقریباً فیصلہ ہو گیا تھا لیکن پاکستانی ٹیم غیرمعمولی کھیل پیش کر کے سیمی فائنل تک رسائی حاصل کر سکتی تھی۔قومی ٹیم اگر بنگلہ دیش کو میچ میں 316رنز سے شکست دیتی تو سیمی فائنل میں جگہ بنا سکتی تھی لیکن لارڈز میں قومی ٹیم اپنے آخری گروپ میچ میں صرف 315رنز ہی بنا سکی اور یوں سیمی فائنل کی دوڑ سے باہر ہو گئی اور نیوزی لینڈ کی ٹیم نے سیمی فائنل کے لیے کوالیفائی کر لیا۔
